Menningar- og íþróttaráð - Fundur nr. 12

Menningar- og íþróttaráð

Ár 2025, föstudaginn 22. ágúst var haldinn 12. fundur menningar- og íþróttaráðs. Fundurinn var haldinn í Borgartúni 12-14 og hófst hann kl. 9:00. Eftirtalin voru komnir til fundar í fundarherberginu Hofi: Skúli Þór Helgason formaður, Sara Björg Sigurðardóttir, Kristinn Jón Ólafsson, Stefán Pálsson, Kjartan Magnússon, Aðalsteinn Haukur Sverrisson og Friðjón R. Friðjónsson. Jafnframt Ingvar Sverrisson formaður ÍBR. Eftirtaldir embættismenn og aðrir starfsmenn sátu fundinn: Steinþór Einarsson, Andrés Bögebjerg Andreasen, Atli Steinn Árnason og Inga María Leifsdóttir sem ritaði fundargerð.
Eftirtaldir fulltrúar tóku sæti á fundinum með rafrænum hætti með vísan til heimildar í 1. málsl. 1. mgr. 54. gr. sveitarstjórnarlaga nr. 138/2011, sbr. 4. málsl. 1. mgr. 13. gr. samþykktar um stjórn Reykjavíkurborgar og fundarsköp borgarstjórnar: XX.

Þetta gerðist:

  1. Fram fer kynning á starfsemi Miðstöðvar útivistar og útináms. MIR25080007 

    Anna Kristín Bang Pétursdóttir og Hafsteinn Hrafn Grétarsson sæti á fundinum undir þessum lið. 

    Fulltrúar Samfylkingar, Pírata og Vinstri grænna leggja fram svohljóðandi bókun:

    Miðstöð útivistar og útináms er mikilvæg stoð í menntakerfi Reykjavíkur á öllum skólastigum, sem styður bæði við menntastefnu borgarinnar og lýðheilsumarkmið hennar. Reykjavík hefur yfir að búa fjölmörgum möguleikum fyrir ungmenni að þroskast í leik og námi utandyra, en til að kennarar og börn geti fært sér þá í nyt er mikilvægt að hafa aðgang að aðstoð og fræðslu sérfræðinga. Fulltrúar samstarfsflokkanna fagna þeirri grósku og hugmyndaauðgi sem einkennir starfsemi MÚÚ og telja mikilvægt að henni verði gert kleift að vaxa áfram til framtíðar.

     Fulltrúi Framsóknarflokksins leggur fram svohljóðandi bókun:

    Fulltrúi Framsóknar þakkar fyrir afar góða kynningu á starfssemi Miðstöðvar útivistar og útináms. Ljóst er að um er að ræða  afar gott starf við að kynna nemendum fyrir þeirri skemmtun og mikilvægi  að stunda útiveru.

    Fylgigögn

  2. Fram fer kynning Íþróttabandalags Reykjavíkur á verkefni til að auka íþróttaþátttöku og inngildingu í Breiðholti. MIR25060005

  3. Lagt fram bréf skrifstofustjóra menningarborgar dags. 21. ágúst 2025 með trúnaðarmerktri tillögu faghóps um Borgarhátíðir Reykjavíkur 2026-2028. Tillögunni fylgdi greinargerð.MIR25080008

    Samþykkt.

     

    Kl. 10.12 víkur Ingvar Sverrisson af fundinum.

    Fulltrúar í menningar- og íþróttaráði leggja fram svohljóðandi bókun:

    Faghópur menningar og íþróttaráðs um borgarhátíðir leggur til að sex hátíðir verði Borgarhátíðir næstu 3 árin. Lagðar eru til nokkrar breytingar frá því sem verið hefur. Tvær stærstu hátíðirnar Iceland Airwaves og Hönnunarmars verði gerðar að varanlegum Borgarhátíðum, Hinsegin dagar verði jafnframt gerð að varanlegri hátíð með langtímasamningi og loks verði hátíðirnar Reykjavik Dance Festival, Myrkir músíkdagar og Iceland noir bókmenntahátíðin útnefndar borgarhátíðir með þriggja ára samstarfssamningum. Allar eru hátíðirnar mikilvægur hluti af gróskumikilli borgarmenningu og bera með rentu nafnbótina Borgarhátíð Reykjavíkur.

  4. Lögð fram tillaga menningar- og íþróttaráðs um fjármögnun til Hinsegin daga. MIR25080010

    Samþykkt.

    Kl. 10.21 víkur Arnfríður Sólrún Valdimarsdóttir af fundinum.

    Fulltrúar í menningar- og íþróttaráði leggja fram svohljóðandi bókun:

    Hinsegin dagar hafa fyrir löngu tryggt sér sess sem ein litríkasta og mikilvægasta mannréttinda- og þátttökuhátíð borgarbúa sem sameinar gleði og mikilvæga mannréttindabaráttu fyrir réttindum hinsegin fólks. Menningar- og íþróttaráð virðir niðurstöðu faghóps um að hinsegin dagar séu annars eðlis en Borgarhátíðir sem byggja á því sem skarar framúr í tiltekinni listgrein en undirstrika að Hinsegin dagar eru nauðsynleg hátíð í borgarsamfélaginu og leggja því fram sérstaka fjárveitingu næsta þrjú árin úr fjárhagsramma sviðsins til að tryggja að hátíðin verði áfram vegleg á komandi árum.

  5. Lagðar fram yfirfarnar styrkjareglur með breytingatillögum styrkjahóps MÍR um styrkjareglur Reykjavíkurborgar. ÞON24080006

  6. Lögð fram tillaga sérfræðihóps um úthlutun styrkja til myndríkrar miðlunar 2025. MIR25080002

    Samþykkt.

  7. Samþykkt að taka inn með afbrigðum bréf skrifstofustjóra menningarborgar dags. 21. ágúst 2025 um skipan í faghóp vegna styrkja úr borgarsjóði á sviði menningarmála. MIR25080009

    Samþykkt

  8. Fram fer kynning á sex mánaða uppgjöri MÍR. MIR25080005 

  9. Fram fer kynning á fjárhagsáætlunarvinnu MÍR. MIR25080004 

  10. Fram fer umræða um hagræðingartillögur MÍR. Formaður menningar- og íþróttaráðs leggur til að sviðstjóra og fjármálastjóra sé veitt umboð til áframhaldandi vinnu við útfærslu á hagræðingartillögum. MIR25080006 

    Samþykkt.

    Fulltrúar Samfylkingar, Pírata og Vinstri grænna leggja fram bókun sem færð er í trúnaðarbók.

Fundi slitið kl. 11:30

PDF útgáfa fundargerðar
Fundargerð menningar- og íþróttaráðs frá 22. ágúst 2025