Menningar- og ferðamálaráð
MENNINGAR- OG FERÐAMÁLARÁÐ
Ár 2008, miðvikudaginn 18. júní, var haldinn 77. fundur menningar- og ferðamálaráðs. Fundurinn var haldinn í Rafveitustjórabústaðnum í Elliðaárdal og hófst hann kl. 10:15. Viðstaddir: Þorbjörg Helga Vigfúsdóttir, Marta Guðjónsdóttir, Kristín Þorleifsdóttir og Guðrún Ásmundsdóttir. Áheyrnarfulltrúi Vinstri grænna: Hermann Valsson. Áheyrnarfulltrúi Framsóknarflokks: Gestur Guðjónsson. Áheyrnarfulltrúi BÍL: Áslaug Thorlacius og Ágúst Guðmundsson. Af hálfu starfsmanna: Svanhildur Konráðsdóttir, Signý Pálsdóttir, Berglind Ólafsdóttir og Kristjana Nanna Jónsdóttir sem ritaði fundargerð.
Þetta gerðist:
1. Nýr fundartími menningar- og ferðamálaráðs. Lögð fram tillaga um að nýr fundartími menningar- og ferðamálaráðs verði annan og fjórða fimmtudag í mánuði kl. 14:15.
Samþykkt. Fyrsti fundur eftir sumarfrí verði fimmtudaginn 14. ágúst kl. 14:15.
2. Þriggja mánaða uppgjör menningar- og ferðamálasviðs. Lagt fram ásamt greinargerð.
3. Flutningur félagsstarfs Gerðubergs til velferðarsviðs. Lögð fram drög að umsögn menningar- og ferðamálaráðs til borgarráðs.
Samþykkt. (RMF08050013)
4. Styrkumsókn Sigurðar Þóris myndlistarmanns til menningar- og ferðamálaráðs vegna myndlistarsýningar í tilefni 100 ára afmæli Steins Steinars – frestað frá 76. fundi.
Hafnað. (RMF06030018)
- Kl. 10:53 kom Guðrún Erla Geirsdóttir á fundinn.
5. Fyrirspurn minnihluta frá 76. fundi um áform meirihluta um Safn Péturs Arasonar svarað.
Menningar- og ferðamálasviði falið að upplýsa Pétur Arason um stöðu mála.
6. Fyrirspurn minnihluta frá 76. fundi um Airwaves svarað.
7. Lögð fram niðurstaða og forsögn starfshóps um varðveislusetur menningarminja. Skrifstofustjóri menningarmála, sviðsstjóri og formaður vinna áfram að framgangi málsins og funda með menntamálaráðuneyti. (RMF05060013)
8. Styrkumsókn Bókaútgáfunnar Hóla vegna útgáfu bókarinnar Regnboginn á óteljandi liti dags. 10. júní 2008.
Vísað í styrkumsóknir vegna 2009. (RMF08060005)
9. Styrkumsókn Eddu Erlendsdóttur vegna útgáfu geisladisks dags. 27. apríl 2008. Vísað í styrkumsóknir vegna 2009. (RMF08060006)
10. Kynning á þremur deiliskipulagstillögum í Miðborginni; Laugavegi 4 - 6, Pósthússtrætisreit og Vallarstræti og Ingólfstorgi suðurhluta. Jóhannes Kjarval frá skipulags- og byggingarsviði og Guðný Gerður Gunnarsdóttir komu á fundinn.
Fundi slitið kl. 12:20
Þorbjörg Helga Vigfúsdóttir
Kristín Þorleifsdóttir Guðrún Erla Geirsdóttir
Marta Guðjónsdóttir Guðrún Ásmundsdóttir