Menningar- og ferðamálaráð
MENNINGAR- OG FERÐAMÁLARÁÐ
Ár 2008, mánudaginn 17. mars, var haldinn 69. fundur menningar- og ferðamálaráðs. Fundurinn var haldinn í Grófarhúsi og hófst hann kl. 14:10. Viðstaddir: Þorbjörg Helga Vigfúsdóttir, formaður, Jakob Frímann Magnússon, Helga Kristín Auðunsdóttir, Marta Guðjónsdóttir, Guðrún Erla Geirsdóttir, Dofri Hermannsson og Guðrún Ásmundsdóttir. Áheyrnarfulltrúi Framsóknarflokks: Gestur Guðjónsson. Áheyrnarfulltrúi Vinstri grænna: Hermann Valsson. Áheyrnarfulltrúar BÍL: Ágúst Guðmundsson og Áslaug Thorlacius. Af hálfu starfsmanna: Signý Pálsdóttir og Kristjana Nanna Jónsdóttir sem ritaði fundargerð.
Þetta gerðist:
1. Þátttaka í landkynningarverkefninu Iceland Naturally. Lagt fram erindi skrifstofu borgarstjóra dags. 7. mars 2008 um afgreiðslu borgarráðs á verkefninu. Skúli Helgason framkvæmdastjóri kom á fundinn og kynnti verkefnið. (R04090098)
2. Samþykkt borgarráðs um breytingar á reglum Tómasar Guðmundssonar og tilnefningu í dómnefnd verðlaunanna. Lagt fram erindi skrifstofu borgarstjórnar dags. 7. mars 2008 um hvoru tveggja. (RMF02080002)
3. Erindi Hallsteins Sigurðssonar vegna höggmynda hans í Gufunesi. Lögð fram umsögn safnstjóra Listasafns Reykjavíkur dags. 14. janúar 2008. Samþykkt að vísa til umsagnar hverfisráðs Grafarvogs. (R05050198)
4. Formaður og skrifstofustjóri menningarmála kynntu sýningu á uppfinningum Leonardo da Vincis sem opnuð verður í Orkuveitu Reykjavíkur 2. október 2008.
Lögð fram svohljóðandi bókun:
Menningar- og ferðamálaráð fagnar því að ákveðið hefur verið að koma upp metnaðarfullri sýningu á uppfinningum Leonardo da Vinci í haust. Sérstaka ánægju vekur að sýningin höfðar til allra aldurshópa og að við uppsetningu hennar verður sérstaklega hugað að þörfum skólabarna með t.d. þemavinnu og nýsköpun.
5. Samningar vegna Sjónlistamiðstöðvarinnar á Korpúlfsstöðum. Lagt fram erindi formanns SÍM dags. 12. mars 2008 þar sem óskað er eftir að samningar um húsnæði á Korpúlfsstöðum verði teknir til endurskoðunar. Samþykkt að sviðsstjóri og skrifstofustjóri menningarmála fái umboð til að endurskoða húsnæðissamninga við Rekstarfélag Korpúlfsstaða og Framkvæmdasvið vegna Korpúlfsstaða. (RMF05100003)
6. Kynning á Borgarbókasafni Reykjavíkur. Anna Torfadóttir og María Karen Sigurðardóttir komu á fundinn.
Fundi slitið kl. 16:00
Þorbjörg Helga Vigfúsdóttir
Marta Guðjónsdóttir Guðrún Erla Geirsdóttir
Helga Kristín Auðunsdóttir Dofri Hermannsson
Jakob Frímann Magnússon Guðrún Ásmundsdóttir