Menningar- og ferðamálaráð
MENNINGAR- OG FERÐAMÁLARÁÐ
Ár 2010, mánudaginn 11. janúar, var haldinn 115. fundur menningar- og ferðamálaráðs. Fundurinn var haldinn í fundarherbergi ráðsins í Ingólfsnausti, Vesturgötu 1, 2. hæð og hófst hann kl. 14.25. Viðstaddir: Áslaug Friðriksdóttir, formaður, Sif Sigfúsdóttir, Jakob Hrafnsson, Brynjar Fransson, Dofri Hermannsson, Anna Pála Sverrisdóttir, Guðrún Erla Geirsdóttir og Hermann Valsson. Áheyrnarfulltrúar BÍL: Ágúst Guðmundsson og Þuríður Sigurðardóttir. Af hálfu starfsmanna: Svanhildur Konráðsdóttir, Berglind Ólafsdóttir, Signý Pálsdóttir og Kristjana Nanna Jónsdóttir sem ritaði fundargerð.
Þetta gerðist:
1. Sigrún Valbergsdóttir formaður faghóps um styrki menningar- og ferðamálaráðs 2010 kynnti tillögur faghópsins um afgreiðslu styrkja 2010. Lagðar fram tillögur faghópsins ásamt greinargerð dags. 8. janúar 2010. Trúnaðarmál. Auk þess lagt fram yfirlit yfir allar umsóknir sem bárust vegna ársins 2010 og yfirlit yfir samstarfssamninga Menningar- og ferðamálasviðs 2001 – 2009.
- Kl. 14.53 vék Dofri Hermannsson af fundi.
Frestað. (RMF09080010)
- Kl. 15.11 kom Ólafur F. Magnússon á fundinn.
2. Sif Gunnarsdóttir forstöðumaður Höfuðborgarstofu kynnti vinnu við undirbúning að endurskoðun ferðamálastefnu. Samþykkt að vinna áfram tillögur að framkvæmd endurskoðunarinnar. Málið tekið upp á næsta fundi ráðsins og stýrihópur skipaður. (RMF10010006)
3. Lagt fram bréf framkvæmdastjóra Sinfóníuhljómsveitar Íslands dags. 17. desember 2009 þar sem óskað er eftir tilnefningu fulltrúa Reykjavíkurborgar í stjórn Áslaugarsjóðs – Styrktarstofnunar Sinfóníuhljómsveitar Íslands. Frestað. (RMF09110004)
4. Lagt fram bréf skrifstofustjóra borgarstjórnar dags. 8. desember 2009 þar sem framsent er til menningar- og ferðamálaráðs til afgreiðslu erindi Eysteins Þ. Yngvasonar fyrrverandi rekstaraðila Viðeyjarferja og flr. vegna samgangna til Viðeyjar og útboðs á ferjusiglingum til Viðeyjar. Jafnframt lagt fram minnisblað skrifstofustjóra fjármála og rekstrar dags. 6. janúar 2010 ásamt fylgigögnum. Samþykkt að framlengja samning við núverandi rekstaraðila um eitt ár og vísað til sviðsins að skoða allar mögulegar leiðir til hagræðingar. (RMF1001002)
Fundi slitið kl. 16.15
Áslaug Friðriksdóttir
Sif Sigfúsdóttir Jakob Hrafnsson
Brynjar Fransson Anna Pála Sverrisdóttir
Hermann Valsson Guðrún Erla Geirsdóttir