Íbúaráð Miðborgar og Hlíða - Fundur nr. 20

Íbúaráð Miðborgar og Hlíða

Ár 2021, þriðjudagur 24. ágúst, var haldinn 20. fundur íbúaráðs Miðborgar og Hlíða. Fundurinn var haldinn í Ráðhúsi Reykjavíkur - Tjarnarbúð með fjarfundarbúnaði og hófst kl. 17.01. Viðstödd voru Margrét Norðdahl, Sigfús Ómar Höskuldsson og Hanna Björk Valsdóttir. Eftirtaldir fulltrúar tóku sæti á fundinum með fjarfundarbúnaði með vísan til heimilda í auglýsingu nr. 894/2021 um ákvörðun samgöngu- og sveitastjórnarráðherra skv. VI. bráðabirgðarákvæðis sveitarstjórnarlaga, nr. 138/2011: Diljá Ámundadóttir Zoega og Örn Þórðarson. Fundinn sat einnig Heimir Snær Guðmundsson sem ritaði fundargerð og Sigþrúður Erla Arnardóttir sem sat fundinn með fjarfundarbúnaði.

Þetta gerðist:

1. Lagt fram bréf skrifstofu borgarstjórnar dags. 12. ágúst 2021 - Heimildir til frávika frá skilyrðum sveitarstjórnarlaga vegna neyðarástands í sveitarfélagi - notkun fjarfundabúnaðar, ásamt fylgiskjölum.

   Fylgigögn

   • Bréf skrifstofu borgarstjórnar
   • Tillaga um heimildir til frávika frá skilyrðum sveitarstjórnarlaga vegna neyðarástands í sveitarfélagi

2. Lagt fram bréf mannréttinda- og lýðræðisskrifstofu dags. 7. júlí 2021 vegna draga að lýðræðisstefnu Reykjavíkurborgar.
   Samþykkt að fela formanni í samvinnu við ráðið að gera tilraun til að ná saman um umsögn og skila fyrir tilskilinn frest þann 1. september næstkomandi. 

   Íbúaráð Miðborgar og Hlíða leggur fram svohljóðandi bókun: 

   Íbúaráð Miðborgar og Hlíða þakka fyrir góða kynningu á drögum að nýrri Lýðræðisstefnu. Íbúaráðinu þykja drögin til sóma. Til mikils er að vinna að auka lýðræðislega þátttöku íbúa í borginni. Við fögnum því sérstaklega að auka á aðgengi fólks á ólíkum aldri, barna og fullorðinna, fólks með ólíkan uppruna og ólíka færni og og að styðja fólk til þátttöku. Það er afar mikilvægt að ,,raddir'' allskonar fólks fái að heyrast í lýðræðissamfélagi og að það sé mælt sérstaklega hvort að því markmiði sé náð í öllum þeim málaflokkum sem snerta líf borgarbúa, sem eru jú allskonar.

   Sigurlauga Anna Jóhannsdóttir, Dóra Björt Guðjónsdóttir og Marta Guðjónsdóttir tóku sæti á fundinum undir þessum lið með fjarfundarbúnaði. 

   Fylgigögn

   • Bréf mannréttinda- og lýðræðisskrifstofu - drög að lýðræðisstefnu Reykjavíkurborgar í umsagnarferli
   • Drög að lýðræðisstefnu Reykjavíkurborgar

3. Lagt fram bréf mannréttinda- og lýðræðisskrifstofu dags. 3. ágúst 2021 vegna tillagna stýrihóps um innleiðingu íbúaráða.
   Samþykkt að fela formanni að boða til fundar með stýrihóp um innleiðingu íbúaráða og í kjölfarið að skila umsögn fyrir tilskilinn frest þann 1. september næstkomandi.

   Dóra Björt Guðjónsdóttir og Marta Guðjónsdóttir tóku sæti á fundinum undir þessum lið með fjarfundarbúnaði. 

   Fylgigögn

   • Bréf mannréttinda- og lýðræðisskrifstofu - tillögur stýrihóps um innleiðingu íbúaráða í umsagnarferli

4. Lagt fram fundadagatal íbúaráðs Miðborgar og Hlíða haustið 2021.
   Samþykkt.

   Fylgigögn

   • Fundadagatal íbúaráðs Miðborgar og Hlíða

5.     Lagt fram bréf umhverfis- og skipulagsviðs  dags. 16. júní 2021 og 13. ágúst 2021 vegna auglýsingar tillögu að aðalskipulagi Reykjavíkur til 2040 og framlengds athugasemdarfrests til 31. ágúst.
   Samþykkt að fela formanni í samvinnu við ráðið að gera tilraun til að ná saman um umsögn og skila fyrir tilskilinn frest þann 31. ágúst næstkomandi.

   Fylgigögn

   • Bréf umhverfis- og skipulagssviðs - framlengdur athugasemdafrestur
   • Bréf umhverfis- og skipulagssviðs

6. Lögð fram útskrift úr gerðabók skipulags- og samgönguráðs frá 23. júní 2021 – Laugavegur 168-176.

7. Lagt fram bréf umhverfis- og skipulagssviðs dags. 21. júlí 2021 vegna auglýsingu á tillögu að breytingu á deiliskipulagi lóðarinnar Heklureitur. nánar tiltekið lóðirnar við Laugaveg 168-174a.
   Samþykkt að fela fulltrúa íbúasamtaka í samvinnu við ráðið að gera tilraun til að ná saman um umsögn og skila fyrir tilskilinn frest þann 6. september næstkomandi.

   Fylgigögn

   • Bréf umhverfis- og skipulagssviðs

8. Fram fer umræða um rútuumferð í miðborginni. 
   Samþykkt að óska eftir því að skrifstofa samgöngustjóra boði til samráðsfundar með hagsmunaaðilum þ.m.t. íbúaráði Miðborgar og Hlíða um skipulag rútuumferðar í miðborginni. 

   Fylgigögn

   • Upplýsingar um skipulag rútuumferðar í miðborginni

9. Lagt fram svar skóla- og frístundasviðs dags. 29. júní 2021 við fyrirspurn íbúaráðs Miðborgar og Hlíða um battavelli í hverfinu. 
   Samþykkt að fela fulltrúa foreldrafélaga að hefja samtal við skólastjórnendur og stjórnendur frístundamiðstöðvar um málið.

   Fylgigögn

   • Svar skóla- og frístundasviðs við fyrirspurn íbúaráðs Miðborgar og Hlíða um battavelli

10. Lagt fram erindi íbúa í hverfinu dags. 24. ágúst 2021 um stígamál á og við Klambratún.
    Samþykkt að fela starfsmanni íbúaráða að afla svara vegna stígamála við Klambratún auk þess að afla svara við hugmyndum bréfritara um gönguleið frá Snorrabraut að Klambratúni. 

    Fylgigögn

    • Bréf íbúa í hverfinu um málefni Klambratúns og göngutengingar
    • Fylgiskjal með erindi íbúa um málefni Klambratúns og göngutengingar

11. Fram fer umræða um málefni hverfisins.

Fundi slitið klukkan 19:05

PDF útgáfa fundargerðar
ibuarad_midborgar_og_hlida_2408.pdf