Íbúaráð Grafarvogs - Fundur nr. 15

Íbúaráð Grafarvogs

Ár 2021, miðvikudaginn, 3. febrúar, var haldinn 15. fundur íbúaráðs Grafarvogs. Fundurinn var haldinn með fjarfundarbúnaði og hófst kl. 17:01. Eftirtaldir fulltrúar tóku sæti á fundinum með fjarfundarbúnaði með vísan til heimilda í auglýsingu nr. 1076/2020 um ákvörðun samgöngu- og sveitastjórnarráðherra skv. VI. bráðabirgðarákvæðis sveitarstjórnarlaga, nr. 138/2011: Ásmundur Jóhannsson, Berglind Eyjólfsdóttir, Árni Guðmundsson, Baldvin Örn Berndsen og Aðalbjörg Albertsdóttir. Fundinn sátu einnig með fjarfundarbúnaði, Heimir Snær Guðmundsson sem ritaði fundargerð og Ingibjörg H. Sigþórsdóttir.

Þetta gerðist:

1. Lagt fram bréf dags. 2. febrúar 2021 vegna slembivals í íbúaráð Grafarvogs. Aðalbjörg Albertsdóttir tekur sæti sem slembivalinn aðalmaður íbúaráði Grafarvogs í stað Aldísar Óskar Diego.

   Íbúaráð Grafarvogs leggur fram svohljóðandi bókun:

   Aðalbjörg er boðin velkominn í íbúaráðið um leið og Aldísi er þakkað fyrir samstarfið.

   Fylgigögn

   • Slembivalinn fulltrúi í íbúaráði Grafarvogs

2. Fram fer kynning á félagsauði í Grafarvogi.

   Íbúaráð Grafarvogs leggur fram svohljóðandi bókun:

   Ragnari Harðarssyni er þakkað fyrir góða kynningu.

   Ragnar Harðarson tekur sæti á fundinum undir þessum lið með fjarfundarbúnaði.

   -    Kl. 17.05 tekur Valgerður Sigurðardóttir sæti á fundinum með fjarfundarbúnaði.

3. Lögð fram svohljóðandi tillaga íbúaráðs Grafarvogs dags. 3. febrúar 2020 um afturköllun tillögu um breytingu á póstnúmeri Bryggjuhverfis.

   Íbúaráð Grafarvogs dregur til baka tillögu sína um breytingu á póstnúmeri Bryggjuhverfis sem samþykkt var á 14. fundi ráðsins þann 6. janúar 2021. Eftir að upphaflega tillagan var samþykkt hófust miklar umræður um málið í Bryggjuhverfi og ákveðið var að taka málið fyrir á aðalfundi Bryggjuráðs, íbúasamtaka í Bryggjuhverfi. Var niðurstaða þeirra fundar að óskað yrði eftir því við íbúaráð Grafarvogs að draga tillöguna til baka. Vakin var athygli á því að frekari umræðu væri þörf í hverfinu ef fara ætti í breytingar á póstnúmeri hverfisins. Vill því íbúaráð Grafarvogs verða við þessari beiðni íbúa og draga upphaflega tillögu um breytingu á póstnúmeri til baka.

   Samþykkt.

4. Lagt fram bréf skóla- og frístundasviðs dags. 19. janúar 2021 – ósk um umsögn um Stefnu um framtíðarskipan tónlistarnáms í Reykjavík til 2030.
   Samþykkt að fela formanni í samráði við ráðið að skila umsögn fyrir tilskilinn frest.

   Fylgigögn

   • Bréf skóla- og frístundasviðs
   • Stefna um framtíðarskipan tónlistarnáms í Reykjavík til 2030
   • Skýrsla stýrihóps um framtíðarskipan tónlistarnáms í Reykjavík til 2030

5. Fram fer umræða um grenndargáma í Grafarvogi.
   Frestað.

6. Fram fer umræða um málefni hverfisins.

7. Lagðar fram greinargerðir vegna styrkja úr Hverfissjóði. Þessi liður fundarins var lokaður.

   a) Fjölnir/Verkefni eldri borgara – Korpúlfar
   b)Fjölnir/Þorrablót Grafarvogs

8. Lagðar fram greinargerðir vegna Sumarborgar 2020 – hverfin. Þessi liður fundarins var lokaður

   a) Frjálsíþróttadeild Fjölnis/Fjölnishlaup Olís 2020
   b) Frjálsíþróttadeild Fjölnis/Vormót Fjölnis 2020
   c) Skátasamband Reykjavíkur/Hoppandi fjör við sundlaugar

9. Lagðar fram til afgreiðslu umsóknir í hverfissjóð. Þessi liður fundarins er lokaður.
   Samþykkt að veita verkefninu Áfram lestur! styrk að upphæð kr. 308.946,-
   Samþykkt að veita Barna- og unglingaráði Fjölnis styrk að upphæð kr. 120.000,- 

Fundi slitið klukkan 18:08

PDF útgáfa fundargerðar
ibuarad_grafarvogs_0302.pdf