Borgarráð - Fundur nr. 5461

Borgarráð

Ár 2017, fimmtudaginn 10. ágúst, var haldinn 5461. fundur borgarráðs. Fundurinn var haldinn í Ráðhúsi Reykjavíkur og hófst kl. 9.05. Viðstödd voru, auk borgarstjóra, Sigurður Björn Blöndal, Halldór Auðar Svansson, Líf Magneudóttir, Heiða Björg Hilmisdóttir, Kjartan Magnússon, Marta Guðjónsdóttir og Sveinbjörg Birna Sveinbjörnsdóttir. Eftirtaldir embættismenn og aðrir starfsmenn sátu fundinn: Stefán Eiríksson, Halldóra Káradóttir, Óli Jón Hertervig, Kristbjörg Stephensen, Hallur Símonarson, Ólöf Örvarsdóttir og Bjarni Þóroddsson.

Fundarritari var Helga Björk Laxdal.

Þetta gerðist:

1. Lagt fram bréf skrifstofu borgarstjórnar, dags. í dag, um embættisafgreiðslur erinda sem borist hafa borgarráði, alls 16 mál. R17080004

   Fylgigögn

   • Embættisafgreiðslur

2. Lagt fram yfirlit skrifstofu borgarstjórnar, dags. í dag, yfir umsagnir um rekstrarleyfisumsóknir veitinga- og gististaða sem veittar hafa verið skv. heimild í viðauka 2.1 við samþykkt um stjórn Reykjavíkurborgar og fundarsköp borgarstjórnar nr. 75/2013. R17080003

   Fylgigögn

   • Umsagnir um veitinga og gististaði 10. ágúst 2017

3. Lagt fram yfirlit yfir styrkumsóknir til borgarráðs ásamt fylgigögnum, dags. í dag. R17010042

   Samþykkt að hafna öllum styrkumsóknum.

   Fylgigögn

   • Styrkumsóknir til borgarráðs utan umsóknartíma 10. ágúst 2017

4. Lagt fram bréf umhverfis- og skipulagssviðs, dags. 17. maí 2017, sbr. samþykkt umhverfis- og skipulagsráðs frá 17. maí 2017 á breytingu á deiliskipulagi lóðarinnar nr. 34-36 við Borgartún. R17030119

   Samþykkt.

   Fylgigögn

   • USK - Borgartún 34-36 - deiliskipulag

5. Lagt fram svar borgarstjóra, dags. 25. júlí 2017, við fyrirspurn borgarráðsfulltrúa Sjálfstæðisflokksins um kostnað vegna þátttöku Reykjavíkurborgar í borgarhátíðinni La Mercé sbr. 43. lið fundargerðar borgarráðs frá 29. júní 2017. R17060228

   Fylgigögn

   • Svar við fyrirspurn borgarráðsfulltrúa Sjálfstæðisflokksins um kostnað við þátttöku Reykjavíkurborgar í borgarhátíðinni La Mercé

6. Lagt fram svar fjármálastjóra, dags. 2. ágúst 2017, við fyrirspurn borgarráðsfulltrúa Framsóknar og flugvallarvina um heildaryfirlit yfir styrki og þjónustusamninga Reykjavíkurborgar frá upphafi kjörtímabils, sbr. 35. lið fundargerðar borgarráðs frá 20. júlí 2017. R17070101

   Fylgigögn

   • Svar við fyrirspurn borgarráðsfulltrúa Framsóknar og flugvallarvina um styrkveitingar Reykjavíkurborgar

7. Lögð fram tillaga borgarstjóra að viðauka við fjárhagsáætlun 2017, dags. 2. ágúst 2017, vegna kostnaðaráhrifa kjarasamnings FÍH vegna einkarekinna tónlistarskóla. Greinargerð fylgir tillögunni. R17020176

   Samþykkt.

   Fylgigögn

   • FMS - Tillaga að viðauka við fjárhagsáætlun 2017

8. Lagt fram bréf skrifstofu eigna og atvinnuþróunar, dags. 3. ágúst 2017, þar sem óskað er eftir að borgarráð samþykki samkomulag vegna fyrirhugaðrar uppbyggingar á lóðinni Borgartún 34-36. R17030119

   Samþykkt með fjórum atkvæðum borgarráðsfulltrúa Samfylkingarinnar, Bjartrar framtíðar, Vinstri grænna og Pírata gegn atkvæði borgarráðsfulltrúa Framsóknar og flugvallarvina. Borgarráðsfulltrúar Sjálfstæðisflokksins sitja hjá við afgreiðslu málsins.

   Fylgigögn

   • SEA - Borgartún 34-36 - samkomulag um fyrirhugaða uppbyggingu

9. Lagt fram bréf skrifstofu eigna og atvinnuþróunar, dags. 3. ágúst 2017, þar sem óskað er eftir samþykki borgarráðs fyrir breytingum á leigusamningi að Grandagarði 2, ásamt leigusamningi og drögum að viðauka. R17070079

   Samþykkt.

   Fylgigögn

   • SEA - Grandagarður 2 - viðauki við leigusamning

10. Lagt fram bréf skrifstofu eigna og atvinnuþróunar, dags. 26. júlí 2017, þar sem óskað er eftir að borgarráð samþykki viðauka við leigusamning um Vatnagarða 28, ásamt fylgigögnum. R17070129

    Samþykkt.

    Fylgigögn

    • SEA - Vatnagarðar 28 - viðauki III við leigusamning

11. Lagt fram bréf skrifstofu eigna og atvinnuþróunar, dags. 24. júlí 2017, þar sem óskað er eftir að borgarráð samþykki leigusamning vegna geymsluherbergis á Hverfisgötu 115. R17070118

    Samþykkt.

    Fylgigögn

    • SEA - Hverfisgata 115 - leigusamningur við Hlemmur mathöll 2017

12. Lagt fram svar velferðarsviðs, dags. 2. ágúst 2017, við fyrirspurn borgarráðsfulltrúa Sjálfstæðisflokksins og Framsóknar og flugvallarvina vegna íbúðakjarna í Rangárseli, sbr. 38. lið fundargerðar borgarráðs frá 15. júní 2017. R15050131

     

    Regína Ásvaldsdóttir og Aðalbjörg Traustadóttir taka sæti á fundinum undir þessum lið.

    Fylgigögn

    • Svar við fyrirspurn borgarráðsfulltrúa Sjálfstæðisflokks og Framsóknar og flugvallarvina um íbúðakjarna í Rangárseli 16-20

13. Lögð fram svohljóðandi tillaga borgarráðsfulltrúa Sjálfstæðisflokksins:

     

    Þegar samþykkt var í borgarráði að auglýsa stöðu borgarlögmanns var ekkert sem fram kom um efni auglýsingarinnar eða umsóknarfrest.  Á fundi borgarráðs 20.  júlí var í trúnaði rætt um umsækjendur, en þá höfðu fulltrúar minnihlutans ekki vitneskju um það að sautján dagar væru liðnir frá lokum auglýsts umsóknarfrests og gátu því á engan hátt brugðist við eða komið með tillögur um bætt verklag í því efni. Í ljósi óvandaðrar málsmeðferðar vegna fyrirhugaðrar ráðningar borgarlögmanns er lagt til að ferlið verði endurskoðað og staðan þar með auglýst að nýju. Enn fremur er lagt til að betur verði staðið að auglýsingu stöðunnar en gert var í júní sl.  R17080023

     

    Tillögunni er vísað frá með fjórum atkvæðum borgarráðsfulltrúa Samfylkingarinnar, Bjartrar framtíðar, Vinstri grænna og Pírata gegn þremur atkvæðum borgarráðsfulltrúa Sjálfstæðisflokksins og Framsóknar og flugvallarvina.

14. Lögð fram svohljóðandi tillaga borgarráðsfulltrúa Sjálfstæðisflokksins:

     

    Lagt er til að ráðningu borgarlögmanns verði frestað þar sem fulltrúar í borgarráði hafa ekki fengið tækifæri til að kynna sér gögn málsins með fullnægjandi hætti. R17080023

     

    Tillagan er felld með fjórum atkvæðum borgarráðsfulltrúa Samfylkingarinnar, Bjartrar framtíðar, Vinstri grænna og Pírata gegn þremur atkvæðum borgarráðsfulltrúa Sjálfstæðisflokksins og Framsóknar og flugvallarvina.

15. Lögð fram svohljóðandi tillaga borgarstjóra, dags. 8. ágúst 2017:

     

    Lagt er til að borgarráð samþykki að ráða Ebbu Schram hrl. í starf borgarlögmanns.

     

    Greinargerð fylgir tillögunni. R17080023

    Samþykkt.

    Borgarráðsfulltrúar Sjálfstæðisflokksins og Vinstri grænna sitja hjá við afgreiðslu málsins.

    Fylgigögn

    • Tillaga að ráðningu borgarlögmanns

16. Borgarráðsfulltrúar Sjálfstæðisflokksins leggja fram svohljóðandi fyrirspurn:

     

    Perlan var byggð fyrir almannafé, upphaflega fyrir borgarbúa til að njóta og þess mikla útsýnis sem er frá húsinu. Allt frá því að húsið var byggt hefur aðgengi almennings að húsinu verið tryggt og hefur það notið mikilla vinsælda bæði hjá borgarbúum og gestum borgarinnar. Nú stendur hins vegar til að breyting verði á með gjaldtöku á útsýnispallinn sem mun skerða aðgengi almennings að húsinu. Eðlilegra hefði verið að borgin hefði tryggt að almenningur hefði áfram aðgengi að almenningsrýmum hússins eins og t.d. að útsýnispallinum. Perlan stendur við eitt stærsta útivistarsvæði borgarinnar og hefur verið í hugum borgarbúa sameign þeirra sem þeir vilja geta notið án skerðingar á aðgengi. Óskað er ítarlegra upplýsinga um gerð þess leigusamnings sem gerður var við Perlu Norðursins um afnot af húsnæði Perlunnar. Þá er óskað svara við því hvort í upphaflegum hugmyndum hafi staðið til að gjaldtaka væri fyrirhuguð á útsýnispalli og hvernig aðgengi almennings að húsinu  yrði háttað. Jafnframt er óskað upplýsinga um hvort leiguverðið endurspegli tekjur af aðgangi á útsýnispallinn og hvort fermetrar svalanna séu teknir með í fermetrum í leigusamningi. R17080024

Fundi slitið klukkan 11:50

Heiða Björg Hilmisdóttir Líf Magneudóttir

Marta Guðjónsdóttir