Borgarráð
B O R G A R R Á Ð
Ár 2005, fimmtudaginn 13. janúar, var haldinn 4876. fundur s. Fundurinn var haldinn í Ráðhúsi Reykjavíkur og hófst kl. 11:10. Viðstaddir voru, auk borgarritara sem sat fundinn í fjarveru borgarstjóra, Alfreð Þorsteinsson, Björk Vilhelmsdóttir, Guðrún Ebba Ólafsdóttir, Hanna Birna Kristjánsdóttir, Ingibjörg Sólrún Gísladóttir, Stefán Jón Hafstein og Vilhjálmur Þ. Vilhjálmsson. Jafnframt sat fundinn Ólafur F. Magnússon.
Fundarritari var Ólafur Kr. Hjörleifsson.
Þetta gerðist:
1. Lögð fram fundargerð hverfisráðs Kjalarness frá 21. desember. R05010026
2. Fundargerð hverfisráðs Vesturbæjar frá 16. desember. R05010029
3. Lögð fram fundargerð innkauparáðs frá 5. janúar. R05010035
4. Lagt fram bréf skrifstofustjóra borgarstjórnar, dags. í dag, um embættisafgreiðslur erinda sem borist hafa borgarráði, alls 10 mál. R05010052
5. Lagt fram bréf skrifstofustjóra borgarstjórnar frá 5. þ.m. þar sem tilkynnt er um kosningu Bjarkar Vilhelmsdóttur í borgarráð til loka kjörtímabils ráðsins í stað Árna Þórs Sigurðssonar, og kosningu Katrínar Jakobsdóttir sem varamanns í ráðið í stað Bjarkar til sama tíma. R03060120
6. Lögð fram svohljóðandi tillaga borgarfulltrúa Sjálfstæðisflokks, sem vísað var til borgarráðs á fundi borgarstjórnar 4. þ.m.:
Í samræmi við úrskurð Skipulagsstofnunar um mat á umhverfisáhrifum vegna 1. áfanga Sundabrautar mælir Borgarstjórn Reykjavíkur með því að farin verði innri leið (leið 3) við val á legu brautarinnar með þeim breytingum, sem Skipulagsstofnun leggur til. Borgarstjórn samþykkir að hraða undirbúningi málsins í samvinnu við Vegagerðina og beinir því til Skipulagsnefndar Reykjavíkur að hefja nú þegar vinnu við breytingu á aðalskipulagi í samræmi við þessa tillögu.
Greinargerð fylgir tillögunni. R04100023
Frestað.
7. Lagðar fram að nýju tillögur starfshóps um ráðningar framkvæmdastjóra þjónustumiðstöðva frá 5. þ.m. ásamt bréfi borgarstjóra frá 6. s.m., þar sem lagt er til að farið verði að tillögum hópsins og eftirtaldir ráðnir frá 1. mars n.k.:
Framkvæmdastjóri þjónustumiðstöðvar Laugardals og Háaleitis: Aðalbjörg Traustadóttir.
Framkvæmdastjóri þjónustumiðstöðvar Miðborgar og Hlíða: Hafdís Gísladóttir.
Framkvæmdastjóri þjónustumiðstöðvarinnar Vesturgarðs í Vesturbæ: Óskar Dýrmundur Ólafsson.
Framkvæmdastjóri þjónustumiðstöðvar í Breiðholti: Ragnar Þorsteinsson. R04110171
Samþykkt með 4 samhljóða atkvæðum.
Borgarráðsfulltrúar Sjálfstæðisflokks lögðu fram svohljóðandi fyrirspurn:
1. Óskað er eftir að fá upplýsingar og greinargerðir um þá umsækjendur sem sóttu um starf forstöðumanna þjónustumiðstöðva og teknir voru í viðtal.
2. Hvers vegna var öðrum umsóknum frá forstöðumönnum borgarhlutaskrifstofa Félagsþjónustunnar um starf forstöðumanns þjónustumiðstöðva hafnað? Hefur viðkomandi aðilum verið boðið annað starf?
3. Verða launakjör forstöðumanna þjónustumiðstöðva þau sömu og laun sviðsstjóra?
8. Lagt fram að nýju bréf sviðsstjóra skipulags- og byggingarsviðs frá 28. f.m., sbr. samþykkt skipulags- og byggingarnefndar 22. s.m., varðandi breytt deiliskipulag austurhluta Laugardals. R04100003
Samþykkt.
9. Lagt fram bréf borgarlögmanns frá 11. þ.m. ásamt minnisblaði skipulags- og byggingarsviðs og Umhverfis- og heilbrigðisstofu, dags. 6. þ.m., um frumvarp til laga um breytingar á lögum um mat á umhverfisáhrifum nr. 106/2000 og skipulags- og byggingarlögum nr. 73/1997, með síðari breytingum. R04020132
Borgarráð samþykkir framlagðar umsagnir skipulags- og byggingarsviðs, dags. 3. desember 2004 og Umhverfis- og heilbrigðisstofu, dags. 23. nóvember með eftirfarandi athugasemdum:
Með vísan til umsagnar Sambands íslenskra sveitarfélaga, dags. 6. desember 2004, er gerður fyrirvari um kostnaðarskiptingu vegna þeirra verkefna/skyldna sem frumvarpið gerir ráð fyrir að flytjist til sveitarfélaganna. Er tekið undir þá kröfu sambandsins að gert verði kostnaðarmat vegna frumvarpsins sbr. samkomulag nokkurra ráðuneyta við Samband íslenskra sveitarfélaga, dags. 30. júní 2004. Jafnframt verði tryggt, komi í ljós að breytingunum fylgi kostnaður fyrir sveitarfélögin, hvernig þeim kostnaðarauka verði mætt.
Með vísan til umhverfisstefnu Reykjavíkurborgar getur borgarráð ekki fallist á að kæruaðild verði þrengd með þeim hætti sem frumvarpið gerir ráð fyrir.
10. Lagt fram minnisblað endurskoðanda Orkuveitu Reykjavíkur sf. um úttekt á byggingarkostnaði nýrra höfuðstöðva Orkuveitunnar, dags. 9. þ.m., ásamt yfirliti Orkuveitunnar yfir kostnaðinn, dags. 29. f.m. Jafnframt lagt fram bréf stjórnarformanns Orkuveitunnar til endurskoðandans, dags. 12. þ.m., þar sem óskað er eftir greiningu á frávikum frá upphaflegri kostnaðaráætlun. R05010091
Borgarráðsfulltrúar Reykjavíkurlista óskuðu bókað:
Borgarráðsfulltrúar Reykjavíkurlistans telja mikilvægt að farið sé í saumana á því hvað veldur þegar kostnaður við opinberar framkvæmdir víkur frá áætlunum. Þeir beittu sér fyrir úttekt á kostnaði við endurbætur á Hafnarhúsinu, við tengibyggingu Kringlunnar og fluttu tillögu þess efnis árið 2002 að gerður yrði samanburður á byggingakostnaði höfuðstöðva Orkuveitu Reykjavíkur og annarra bygginga til svipaðra nota sem reistar voru um svipað leiti. Erfitt hefur reynst að fá upplýsingar um aðrar byggingar og fagna borgarráðsfulltrúar Reykjavíkurlistans því að farið hefur verið fram á greinargerð um byggingu Orkuveitu Reykjavíkur eina og sér.
Borgarráðsfulltrúar Sjálfstæðisflokks óskuðu bókað:
Sú greinargerð sem nú er lögð fram um kostnað vegna höfuðstöðva Orkuveitu Reykjavíkur staðfestir að sá kostnaður hefur farið langt fram úr áætlunum.
Fulltrúar Sjálfstæðisflokksins, jafnt í stjórn Orkuveitu Reykjavíkur, borgarráði og borgarstjórn hafa ítrekað óskað eftir upplýsingum og sérstakri skoðun vegna þessa máls.
Hingað til hafa fulltrúar R-listans haldið því fram að áætlanir myndu halda. Nú hefur allt annað komið í ljós og þess vegna er nauðsynlegt að hefja tímabæra skoðun á kostnaði vegna höfuðstöðva Orkuveitu Reykjavíkur.
Ólafur F. Magnússon óskaði bókað:
Það er afar brýnt að gerð verði úttekt á kostnaði vegna höfuðstöðva Orkuveitu Reykjavíkur, sem hefur farið langt fram úr áætlunum.
11. Lagt fram bréf Hilmars Andréssonar frá 14. f.m. varðandi gróðurhús á sameiginlegri lóð að Kirkjuteigi 25. Jafnframt lögð fram umsögn sviðsstjóra skipulags- og byggingarsviðs frá 10. þ.m. R03020226
Vísað til umsagnar borgarritara, sem meti hvort tilefni sé til endurupptöku málsins.
12. Lagt fram bréf borgarlögmanns frá 11. þ.m. varðandi Selásblett 2a og 3a í Norðlingaholti. R04010121
Hanna Birna Kristjánsdóttir vék af fundi við meðferð málsins.
13. Lagður fram kjarasamningur Reykjavíkurborgar annars vegar og Samiðnar - sambands iðnfélaga f.h. aðildarfélaga hins vegar, dags. 29. desember 2004. R03120114
Borgarráð staðfestir samninginn fyrir sitt leyti.
14. Lagður fram kjarasamningur launanefndar sveitarfélaga annars vegar og Félags tónlistarskólakennara og Félags íslenskra hljómlistarmanna hins vegar, dags. 30. desember 2004. R05010090
15. Lagður fram kjarasamningur Launanefndar sveitarfélaga og Félags leikskólakennara, dags. 22. desember 2004. R04100131
16. Lögð fram svohljóðandi tillaga borgarstjóra:
Borgarráð samþykkir að álagningarhlutfall fasteignaskatts á íbúðarhúsnæði í Reykjavík verði 0,320#PR árið 2005.
Greinargerð fylgir tillögunni. R04110081
Vísað til borgarstjórnar.
17. Borgarráð samþykkir að leggja til við borgarstjórn að Bolli Thoroddsen taki sæti varamanns í jafnréttisnefnd til loka kjörtímabilsins í stað Áslaugar Auðar Guðmundsdóttur, sem flutt er af landi brott. R02060079
Fundi slitið kl. 12:30.
Alfreð Þorsteinsson
Björk Vilhelmsdóttir Guðrún Ebba Ólafsdóttir
Hanna Birna Kristjánsdóttir Ingibjörg Sólrún Gísladóttir
Stefán Jón Hafstein Vilhjálmur Þ. Vilhjálmsson