Borgarráð
5 B O R G A R R Á Ð Ár 2002, þriðjudaginn 19. mars var haldinn 4730. fundur s. Fundurinn var haldinn í Ráðhúsi Reykjavíkur og hófst kl. 12.00. Viðstaddir voru, auk borgarstjóra, Helgi Hjörvar, Hrannar Björn Arnarsson, Jóna Gróa Sigurðardóttir, Júlíus Vífill Ingvarsson, Steinunn Valdís Óskarsdóttir og Vilhjálmur Þ. Vilhjálmsson. Fundarritari var Gunnar Eydal. Þetta gerðist: 1. Lögð fram fundargerð hverfisnefndar Grafarvogs frá 13. mars. 2. Lögð fram fundargerð samstarfsráðs Kjalarness frá 7. mars. 3. Lögð fram fundargerð stjórnar Innkaupastofnunar frá 18. mars. 4. Lögð fram fundargerð stjórnar Strætó bs. frá 15. mars. 5. Lögð fram fundargerð stjórnar Vinnuskólans frá 14. mars. 6. Lagt fram bréf skrifstofustjóra borgarstjórnar, dags. í dag, um embættisafgreiðslur erinda sem borist hafa borgarráði, alls 12 mál. 7. Lagt fram bréf skipulagsfulltrúa frá 13. þ.m., sbr. samþykkt skipulags- og byggingarnefndar s.d. um breytingu á deiliskipulagi vegna stækkunar á Ofanleiti 1. Samþykkt. 8. Lagt fram bréf skipulagsfulltrúa frá 13. þ.m., sbr. samþykkt skipulags- og byggingarnefndar s.d. um niðurfellingu á kvöð um gangrétt á lóð að Hverfisgötu 73. Samþykkt. 9. Lagt fram bréf skipulagsfulltrúa frá 14. þ.m., sbr. samþykkt skipulags- og byggingarnefndar 13. s.m. um auglýsingu deiliskipulags austurhluta Grafarholts ásamt greinargerð og skilmálum fyrir austursvæði Grafarholts, endurskoðað 12. þ.m. Samþykkt. 10. Lagt fram að nýju bréf sviðsstjóra skipulags- og byggingarsviðs frá 7. þ.m., sbr. samþykkt skipulags- og byggingarnefndar 6. s.m. um auglýsingu deiliskipulags reits sem afmarkast af Lækjargötu, Bankastræti, Þingholtsstræti og Amtmannsstíg. Samþykkt með 4 atkv. gegn 3. Vísað er til bókana undir 11. lið. 11. Lagt fram að nýju bréf sviðsstjóra skipulags- og byggingarsviðs frá 7. þ.m., sbr. samþykkt skipulags- og byggingarnefndar 6. s.m. um auglýsingu deiliskipulags reits sem afmarkast af Bankastræti, Ingólfsstræti, Amtmannsstíg og Þingholtsstræti. Samþykkt með 4 atkv. gegn 3 með þeirri breytingu að byggingarréttur vegna flutnings húss á lóð nr. 9 við Þingholtsstræti er felldur niður. Borgarráðsfulltrúar Sjálfstæðisflokks lögðu fram svohljóðandi bókun: Kvosin er miðstöð stjórnsýslu, menningar- og fjármálastarfsemi og þarfnast baklands sem stutt getur við og nýtt þá starfsemi sem fyrir er. Samkvæmt framlögðum deiliskipulagstillögum á reit sem takmarkast af Lækjargötu, Bankastræti, Ingólfsstræti og Amtmannsstíg eiga öll hús svæðisins að standa. Þar með er verið að loka Kvosina af til allra átta, skapa annað Grjótaþorp og tækifæri til uppbyggingar fara þar með hjá ónýtt. Á hinn bóginn ber að tryggja fallegt og viðeigandi umhverfi Bernhöfts-torfunnar með því að halda í og fegra Skólastræti sem er næsta gata fyrir ofan Bernhöfts-torfuna. Deiliskipulag þessa svæðis á að öðru leyti að byggjast á öflugri uppbyggingu þar sem sambland fyrirtækja, verslana og íbúða mun styrkja miðborgina. Fyrirliggjandi skipulagstillögur stuðla ekki að nauðsynlegri uppbyggingu heldur miklu fremur að viðvarandi stöðnun sem nú einkennir ástandið í miðborginni. Borgarráðsfulltrúar Reykjavíkurlistans lögðu fram svohljóðandi bókun: Í miðborg Reykjavíkur er nauðsynlegt að saman fari öflug uppbygging nýrra og metnaðarfullra mannvirkja og varðveisla húsa og heildstæðra götumynda sem geyma andblæ, hefð og sögu Reykjavíkur. Mikilvægt er að skapa gott rými fyrir nýbyggingar á Laugaveginum, en halda í svipmót eldri byggðar í götum s.s. Þingholtsstræti og Ingólfsstræti eins og gert er í þessum tillögum. Það er ánægjulegt til þess að vita að víðtæk sátt skuli nú ríkja um Bernhöfts-torfuna og Grjótaþorpið, en um leið er ástæða til að minna á, að það er ekki langt síðan lítill sem enginn skilningur var á mikilvægi húsverndunar hjá íslenskum stjórnvöldum. Hefðu þau sjónarmið náð fram að ganga væri íslenskt menningarlíf snökktum fátækara. 12. Lagt fram bréf forstjóra Innkaupastofnunar frá 18. þ.m., sbr. samþykkt stjórnar Innkaupastofnunar s.d. varðandi tilboð í endurnýjun gangstétta og veitukerfa 1. áfanga skv. útboði. Samþykkt að taka tilboði lægstbjóðanda, Steypustáls ehf. 13. Lagt fram bréf Hjúkrunarheimilisins Eirar frá 1. þ.m. um fyrirhugaða stækkun og ósk um styrkveitingu í því sambandi. Jafnframt lögð fram skýrsla um starfsemi heimilisins og fyrirhugaða stækkun, dags. í mars. Vísað til vinnuhóps borgarstjóra og heilbrigðisráðherra. 14. Lögð fram umsögn fulltrúa skrifstofustjóra borgarstjórnar frá 18. þ.m. varðandi umsókn um leyfi til áfengisveitinga fyrir veitingastaðinn 22, Laugavegi 22. Borgarráð samþykkir umsögnina. 15. Lagt fram yfirlit, dags. 18. þ.m., yfir styrkumsóknir sem borist hafa borgarráði í framhaldi af auglýsingu. Frestað. 16. Lagt fram bréf skrifstofustjóra borgarritara frá 15. þ.m. um styrkbeiðni frá Félaginu Gamlir Fóstbræður og frá Sólheimum í Grímsnesi, dags. 7. þ.m. Erindin hljóta ekki stuðning. 17. Lögð fram umsögn forstöðumanns Umhverfis- og heilbrigðisstofu frá 11. þ.m. um frumvarp til laga um varnir gegn landbroti. 18. Lagt fram að nýju bréf skrifstofustjóra Umhverfis- og heilbrigðisstofu frá 15. f.m., sbr. samþykkt umhverfis- og heilbrigðisnefndar 14. s.m. um friðlýsingu borgarlandsins fyrir umferð og geymslu kjarnorku-, efna- og sýklavopna. Vísað til borgarstjórnar. 19. Lagt fram bréf embættis borgarverkfræðings frá 18. þ.m. um heimild til gerðar samnings við Geymslusvæðið ehf. á grundvelli bréfs fyrirtækisins frá 19. f.m. Samþykkt. 20. Lagt fram bréf félagsmálastjóra frá 14. þ.m., sbr. samþykkt félagsmálaráðs 13. s.m. um breyttar tillögur að reglum um útleigu félagslegra eignaríbúða. Samþykkt. 21. Lagt fram bréf félagsmálastjóra frá 14. þ.m., sbr. samþykkt félagsmálaráðs 13. s.m. varðandi starfsreglur félagsmálaráðs um staðfestingu viðbótarlána til íbúðakaupa. Samþykkt. 22. Lagt fram bréf fjármálastjóra frá 18. þ.m. um breytingu á fjárhagsáætlun vegna opnunar heimilis fyrir heimilislausa að Miklubraut 20. Samþykkt viðbótarfjárveiting, kr. 14.806.448. 23. Lagt fram bréf fjármálastjóra frá 18. þ.m. um breytingu á frumvarpi að þriggja ára áætlun. Vísað til borgarstjórnar. 24. Lagt fram bréf framkvæmdastjóra Miðgarðs frá 18. þ.m., sbr. samþykkt hverfisnefndar Grafarvogs 13. s.m. um að komið verði upp útilistaverkum og skrúðgarði í hverfinu. Borgarráð er hlynnt erindinu og felur forstöðumanni Listasafns og Umhverfis- og heilbrigðisstofu nánari útfærslu. 25. Lagt fram bréf skrifstofustjóra borgarverkfræðings frá 18. þ.m., þar sem lagt er til að Borgarhöllin hf. verði lóðarhafi lóðar nr. 1 við Fossaleyni, fyrir fjölnota íþróttahús, í stað Fossaleynis hf. Samþykkt. 26. Lagt fram bréf framkvæmdastjóra þróunar- og fjölskyldusviðs frá 19. þ.m. varðandi 750 ára afmæli Stokkhólmsborgar. Samþykkt. 27. Lagt fram bréf skrifstofustjóra borgarverkfræðings frá 18. þ.m., þar sem lagt er til að Íslensk–Ameríska verslunarfélaginu ehf., Tunguhálsi 11, verði úthlutað byggingarrétti á lóð nr. 6 við Tunguháls. Samþykkt. 28. Lagt fram bréf skrifstofustjóra borgarverkræðings frá 18. þ.m., þar sem lagt er til að borgarráð afturkalli úthlutun byggingarréttar til Heimsbyggðar ehf. á lóðum nr. 56-60, 62-66, 82-86 og 88-92 við Þorláksgeisla. Samþykkt. 29. Lagt fram bréf skrifstofustjóra borgarverkfræðings frá 18. þ.m., þar sem lagt er til að borgarráð afturkalli úthlutun byggingarréttar til Staðals ehf. á lóð nr. 95-97 við Kristnibraut. Samþykkt. 30. Lagt fram bréf skrifstofustjóra borgarverkfræðings frá 18. þ.m., þar sem lagt er til að borgarráð afturkalli úthlutun byggingarréttar til Byggingavirkis ehf. á lóð nr. 74-76 við Þorláksgeisla. Samþykkt. 31. Lagt fram bréf skrifstofustjóra borgarverkfræðings frá 18. þ.m., þar sem lagt er til að borgarráð afturkalli úthlutun byggingarréttar til Byggingarráðgjafans ehf. á lóð nr. 44-50 við Þorláksgeisla. Samþykkt. 32. Lagt fram bréf skrifstofustjóra borgarverkfræðings frá 18. þ.m., þar sem lagt er til að borgarráð afturkalli úthlutun byggingarréttar til Staðals ehf. á lóð nr. 11-21 við Þórðarsveig. Samþykkt. 33. Lagt fram bréf skrifstofustjóra borgarverkfræðings frá 18. þ.m., þar sem lagt er til að borgarráð afturkalli úthlutun byggingarréttar til Rimabæjar sf. á lóð nr. 79-81 við Jónsgeisla. Samþykkt. 34. Borgarráðsfulltrúar Sjálfstæðisflokks óskuðu bókað vegna liða 28-33: Nú eru að koma enn betur í ljós alvarlegar afleiðingar af lóðaskorti- og lóðauppboðsstefnu R-listans. Söluverð lóða hækkaði um mörg hundruð prósent og í framhaldinu hækkaði byggingarkostnaður, söluverð íbúða og fasteignagjöld. Margir þeirra sem keyptu lóðir á söluuppboði borgarinnar, v/lóða í Grafarholti, eiga nú í verulegum erfiðleikum. Það segir sína sögu af lóðauppboðsstefnunni að nú er lagt til að 9 lóðir með 94 íbúðum, sem úthlutað var í júlí 2001 til 6 byggingarfyrirtækja verði afturkallaðar. Ástæðan er sú að kaupverð lóðanna, kr. 145 millj., sem átti að greiðast í ágúst 2001, hefur enn ekki verið greitt. Borgarráðsfulltrúar Reykjavíkurlistans óskuðu bókað: Verð lands í Grafarholti ræðst á markaði. Hafi markaðsaðstæður breyst þannig að bjóðendur efna ekki tilboð sín verður það boðið öðrum til kaups. Þar geta allir boðið og lögmál framboðs og eftirspurnar ráða för. Það er athyglisvert að fulltrúar Sjálfstæðisflokksins afneiti lögmálum markaðarins með þessum hætti leggi frekar til gamaldags og löngu úrelt útdeilingarkerfi lóða. 35. Lagt fram bréf skrifstofustjóra borgarverkfræðings frá 18. þ.m., þar sem lagt er til að borgarráð afturkalli úthlutun byggingarréttar til Ásmundar Þórs Kristinssonar á lóð nr. 16 við Gylfaflöt. Frestað. 36. Lögð fram umsögn forstöðumanns Umhverfis- og heilbrigðisstofu frá 12. þ.m. um frumvarp til laga um verndun hafs og stranda. Borgarráð samþykkir umsögnina. 37. Lagt fram bréf skrifstofustjóra borgarstjórnar frá 7. þ.m., sbr. samþykkt stjórnkerfisnefndar 5. s.m. varðandi samþykkt fyrir jafnréttisnefnd. Borgarráð fellst á samþykktina fyrir sitt leyti og vísar málinu til afgreiðslu borgarstjórnar. 38. Lagt fram bréf skrifstofustjóra borgarstjórnar frá 7. þ.m., sbr. samþykkt stjórnkerfisnefndar 5. s.m. varðandi samþykkt fyrir skipulags- og byggingarnefnd. Borgarráð fellst á samþykktina með 4 samhljóða atkvæðum og vísar henni til afgreiðslu borgarstjórnar. 39. Lagt fram bréf skrifstofustjóra borgarstjórnar, dags. í dag, sbr. samþykkt stjórnkerfisnefndar s.d. varðandi samþykkt fyrir íþrótta- og tómstundaráð. Borgarráð fellst á samþykktina fyrir sitt leyti og vísar málinu til afgreiðslu borgarstjórnar. 40. Lagt fram bréf skrifstofustjóra borgarstjórnar, dags. í dag, sbr. samþykkt stjórnkerfisnefndar s.d. varðandi samþykkt fyrir menningarmálanefnd. Borgarráð fellst á samþykktina fyrir sitt leyti og vísar málinu til afgreiðslu borgarstjórnar. 41. Lagt fram bréf skrifstofustjóra borgarstjórnar, dags. í dag, sbr. samþykkt stjórnkerfisnefndar s.d. varðandi samþykkt fyrir leikskólaráð. Borgarráð fellst á samþykktina fyrir sitt leyti og vísar málinu til afgreiðslu borgarstjórnar. 42. Lagt fram bréf skrifstofustjóra borgarstjórnar, dags. í dag, sbr. samþykkt stjórnkerfisnefndar s.d. varðandi samþykkt fyrir stjórn Innkaupastofnunar. Borgarráð fellst á samþykktina fyrir sitt leyti og vísar málinu til afgreiðslu borgarstjórnar. 43. Afgreitt eitt útsvarsmál. Fundi slitið kl. 14.00. Ingibjörg Sólrún Gísladóttir Helgi Hjörvar Júlíus Vífill Ingvarsson Hrannar Björn Arnarsson Jóna Gróa Sigurðardóttir Steinunn Valdís Óskarsdóttir Vilhjálmur Þ. Vilhjálmsson