No translated content text
Ýmsar leiðir færar til að komast í aukna virkni
Velferðarkaffi, opinn fundur velferðarráðs Reykjavíkurborgar, var vel sótt á föstudaginn. Þar var fjallað um ólík og fjölbreytt úrræði sem standa ungu fólki til boða sem af einhverjum ástæðum hefur ekki náð að fóta sig í lífinu. Uppúr stóðu erindi þriggja ungra einstaklinga, sem deildu sínum sögum með viðstöddum og lýstu sinni leið að aukinni virkni og betri líðan.
Um það bil 6% ungs fólks á aldrinum 18–24 ára er hvorki í vinnu, námi eða starfsþjálfun. Markmiðið með velferðarkaffi var að ræða þarfir þess hóps, skoða hvað er vel gert og virkar en einnig hvað þarf að gera betur. Fundurinn var haldinn í Virknihúsi en þar eru hin ýmsu virkniúrræði Reykjavíkurborgar skipulögð, til dæmis Grettistak, Bataskólinn, Kvennasmiðjan, IPS-atvinnuráðgjöf, verkefnið Tinna, og Vinnu- og virknimiðlun. Í fyrra tóku 584 einstaklingar þátt í þeim úrræðum. Þar að auki rekur Reykjavíkurborg Hitt húsið sem vinnur mikilvægt starf fyrir ungt fólk.
Velferðarkaffi 27. janúar 2023
Formaður velferðarráðs sagði frá þjónustu Reykjavíkurborgar.
Hann sagði frá verkefninu Vítamín í Hinu húsinu.
Þau sögðu frá Fjölsmiðjunni og starfinu þar.
Hún sagði sinni leið að betri líðan, meðal annars þátttöku í félagsstarfi á Vitatorgi.
Þau sögðu frá Tækifærinu sem veitir ungum karlmönnum sem glímt hafa við atvinnuleysi aðstoð.
Rúmlega 50 manns mættu á svæðið og jafnframt fylgdist margt fólk með streyminu.
Sögðu frá sinni reynslu og bentu á leiðir til úrbóta
Reykjavíkurborg á einnig í samstarfi við frjáls félagasamtök sem sinna bjóða virkniúrræði og hafa ólíkar nálganir á sína þjónustu. Forsvarsmenn þriggja þeirra, þau Sigurþóra Bergsdóttir í Berginu, Heiða Kristín Harðardóttir hjá Fjölsmiðjunni og Björk Vilhjálmsdóttir hjá Tækifærinu héldu erindi á velferðarkaffi. Þar að auki sagði Breki Bjarnason, atvinnuráðgjafi frá Hinu húsinu, frá verkefninu Vítamín. Síðast en ekki síst var mikilvægt að heyra raddir þriggja notenda mismunandi þjónustu – þeirra Ingiríðar Halldórsdóttur, Alexanders Teits Valdimarssonar og Amadeusz Korzeniewski. Af ólíkum ástæðum hafa þau öll verið í lengri tíma utan vinnu eða náms en fundið sína leið til aukinnar virkni. Þau gáfu dýrmæta innsýn í hvaða þjónusta hefur nýst þeim og hvernig megi gera betur, til að færra ungt fólk lendi í sömu stöðu.
Velferðarkaffið í heild má horfa á í spilaranum hér fyrir neðan.