![""](/sites/default/files/styles/landscape_small/public/myndir_frettir/frettamyndir_2014_febjuli/evropskanytnivikan.jpg?h=b3fdc775&itok=czSMvUMh)
Nýtnivikan verður haldin í Reykjavík fjórða árið í röð daganna 23. – 29. nóvember. Þema vikunnar að þessu sinni Afefnisvæðing – að gera meira fyrir minna. Nýtnivikan er hluti af umhverfis- og auðlindastefnu Reykjavíkurborgar.
Neysluvenjur hafa áhrif á losun gróðurhúsalofttegunda
Daglegar venjur hvers og eins hefur áhrif á umhverfið. Flestum vörum fylgja umbúðir og rannsóknir sýna að hluti þess sem keypt er fer í ruslið án þess að vera notað. Úrgangur frá heimilum í Reykjavík sem ekki er flokkaður frá og endurnýttur eða endurnotaður er urðaður í Álfsnesi. Niðurbrot úrgangsins á urðunarstaðnum myndast hauggas sem í eru gróðurhúsalofttegundir sem eru 21 sinni áhrifameiri en koltvísýringur. Losun gróðurhúsalofttegunda sem myndast ræðst m.a. af magni úrgangsins og hlutfalli lífrænna efna. Því minna sem urðað er, því minna losnar af gróðurhúsalofttegundum.
Minna magn blandaðs úrgangs í Reykjavík
Á heimilum í Reykjavík, þar sem lítið fellur til af blönduðum úrgangi, geta íbúar lækkað hjá sér kostnað við meðhöndlun úrgangs. Íbúum í sérbýlum stendur til boða spartunna sem er ódýrari og helmingi minni en gráa tunnan. Íbúar í fjölbýlum geta með sama hætti fækkað tunnum ef magnið er minna og greitt lægra gjald.