Hyalin ehf., að höfðu samráði við Heilbrigðiseftirlit Reykjavíkur, hefur stöðvað sölu og innkallað frá neytendum Sveitapaté með bragði af svörtum trufflum.
Ástæða innköllunar
Ástæða innköllunar er sú að varan inniheldur ofnæmis- og óþolsvaldana hveiti og heslihnetur án þess að þeir komi fram í lista yfir innihaldsefni á leyfilegu tungumáli. Varan ber merkingar á bæði frönsku og ensku, en ofnæmis- og óþolsvaldarnir koma ekki fram á ensku merkingunum.
Hver er hættan?
Vanmerktur ofnæmis- og óþolsvaldur sem er hættulegur fyrir einstaklinga sem eru með ofnæmi fyrir hveiti og/eða heslihnetum.
Upplýsingar um vöru sem innköllunin einskorðast við
Vörumerki: Godard - Chambon & Marrel
Vöruheiti: Terrine campagnarde au jus de truffe noire aromatisée
Geymsluþol: Best fyrir dags. 24/05/2027
Strikamerki: 3461951001503
Nettómagn: 180 g
Framleiðandi: SAS Godard-Chambon & Marrel, BP40072, Route de Salviac, 46300 GOURDON
Framleiðsluland: Frakkland
Heiti og heimilisfang fyrirtækis sem innkallar vöru
Hyalin ehf., Skólavörðustíg 4a, 101 Reykjavík.
Dreifing
HYALIN, Skólavörðustíg 4a, 101 Reykjavík.
Leiðbeiningar til neytenda
Neytendur sem eiga umrædda voru eru beðnir um að neyta hennar ekki og farga en einnig er hægt að skila henni í verslun Hyalin við Skólavörðustíg 4a og fá endurgreitt. Varan er skaðlaus þeim sem eru ekki með óþol eða ofnæmi fyrir hveiti eða heslihnetum.
Nánari upplýsingar um innköllun
Nánari upplýsingar má nálgast frá Hyalin ehf. í síma 519-7171 / 860-3174 eða með tölvupósti á contact@hyalin-reykjavik.com