Ákveðið hefur verið að ráða Ingibjörgu Margréti Gunnlaugsdóttur í starf skrifstofustjóra fagskrifstofu leikskólamála á skóla- og frístundasviði Reykjavíkurborgar.
Ingibjörg Margrét er útskrifuð úr Fósturskóla Íslands og er með diplóma frá heimspekideild Háskóla Íslands. Þá er hún með diplóma í stjórnun menntastofnana frá Framhaldsdeild Kennaraháskóla Íslands, auk náms í verkefnastjórnun og leiðtogaþjálfun frá Endurmenntun HÍ.
Ingibjörg Margrét á að baki langan starfsaldur í leikskólamálum eða um 34 ár. Hún hefur unnið sem deildarstjóri í leikskóla, aðstoðarleikskólastjóri, leikskólastjóri, leikskólaráðgjafi, þróunarfulltrúi og undanfarin 4 ár verið staðgengill skrifstofustjóra á fagskrifstofu leikskólamála. Á haustmánuðum hefur hún verið starfandi skrifstofustjóri á fagskrifstofu leikskólamála.
Ingibjörg Margrét hefur jafnframt tekið þátt í og stýrt mörgum stýrihópum og starfs- og vinnuhópum á vegum Leikskólasviðs og skóla- og frístundasviðs.