English translation
Hi! The English site is only a beta for now and still has many errors (especially in names and locations).
We are working hard to fix them and making more content available than ever before so expect constant updates.
Íbúar í Vesturbænum leggja til hugmyndir fyrir 83 milljónir í hverfakosningunum Betri hverfi 2015. Meðal verkefna er gönguljós við Ánanaust gegnt Vesturgötu, að endurgera tröppur við Hagaskóla og leggja gangstétt norðaustanmegin meðfram KR vellinum.
Aðrar hugmyndir sem lagðar eru fram í Vesturbænum er að endurbæta Nýlendugöturóló, lagfæra stíg við Eiðisgranda og Fjörugranda og setja vatnshana við Ægissíðu. Þetta eru einungis sex af fimmtán verkefnum sem íbúar geta kosið um í Betra hverfi 2015.
Þau fimmtán verkefni sem kosið verður um eru metin á 83 milljónir króna en til framkvæmda eru rúmlega 37 milljónir króna í verkefni til Vesturbæjarins.
Rafrænar íbúakosningar um verkefni í hverfum borgarinnar hefjast þriðjudaginn 17. febrúar í næstu viku og standa yfir til miðnættis þriðjudaginn 24. febrúar. Til að kjósa þarf að auðkenna sig með rafrænum skilríkjum eða Íslykli og kemst þá kjósandinn inn í rafrænan kjörklefa. Kerfið er afar einfalt í notkun. Aldurstakmark í kosningunum er 16 ár.