English translation
Hi! The English site is only a beta for now and still has many errors (especially in names and locations).
We are working hard to fix them and making more content available than ever before so expect constant updates.
Íbúar í Laugardalnum leggja til hugmyndir fyrir yfir 132 milljónir í hverfakosningunum Betri hverfi 2015. Meðal verkefna er leiktæki við frístundaheimilið Glaðheima, körfuboltavöll á lóð Laugarnesskóla og endurnýjun leiksvæðis á gamla Ármannsvellinum gegnt Miðtúni.
Önnur verkefni á lista Laugardals er að setja upp aðstöðu í Laugardalslaug með köldu vatni til kælingar fyrir fólk og setja upp lýsingu á göngustíginn meðfram dælustöðinni að stígnum meðfram sjónum. Þetta eru einungis fimm af 19 verkefnum sem íbúar í Laugardal geta kosið um í Betri hverfi 2015.
Þau nitján verkefni sem kosið verður um eru metin á rúmar 132 milljónir króna en til framkvæmda eru tæplega 37 milljónir króna í verkefni í Laugardalnum.
Rafrænar íbúakosningar um verkefni í hverfum borgarinnar hefjast þriðjudaginn 17. febrúar í næstu viku og standa yfir til miðnættis þriðjudaginn 24. febrúar. Til að kjósa þarf að auðkenna sig með rafrænum skilríkjum eða Íslykli og kemst þá kjósandinn inn í rafrænan kjörklefa. Kerfið er afar einfalt í notkun. Aldurstakmark í kosningunum er 16 ár.
Sjá verkefni í Laugardal.