English translation
Hi! The English site is only a beta for now and still has many errors (especially in names and locations).
We are working hard to fix them and making more content available than ever before so expect constant updates.
Vefur Reykjavíkurborgar er meðal fimm bestu sveitarfélagavefja landsins. Þetta kom fram á ráðstefnunni „Hvað er spunnið í opinbera vefi“ sem Skýrslutæknifélag Íslands stóð fyrir á Grand Hótel. Kynnt var niðurstaða úttektar á opinberum vefjum ríkis og sveitarfélaga árið 2011.
Í úttektinni eru vefir alls 276 opinberra stofnana og sveitarfélaga skoðaðir og metnir samkvæmt fyrirfram ákveðnum mælikvörðum. Þeir fimm vefir sem skoruðu hæst, annars vegar í flokki ríkisstofnana og hins vegar í flokki sveitarfélaga voru svo skoðaðir af dómnefnd sem lagði huglægt mat á notagildi vefsins, útlit og almenna upplifun af að nota hann.
Í flokki sveitarfélaga voru það vefir Akureyrar, Reykjavíkur, Garðabæjar, Mosfellsbæjar og Seltjarnarness sem komu til greina sem besti vefurinn og fyrir valinu varð vefur Akureyrarbæjar. Í flokki ríkisstofnana var vefur Tryggingastofnunar valinn besti vefurinn.
Eins og áður sagði var Reykjavíkurborg í hópi fimm bestu sveitarfélagavefjanna og þegar niðurstöður úttektarinnar eru skoðaðar nánar kemur fram að www.reykjavik.is skorar í heildareinkunn 88%, sem er hæsta skorið meðal allra sveitarfélaga.
Smelltu hér til að skoða frekari niðurstöður
Það er vissulega ánægjuefni að vera í hópi fimm bestu vefjanna. Vefurinn www.reykjavik.is er í stöðugri þróun með það að markmiði að veita framúrskarandi þjónustu þar sem íbúar geta sótt þjónustu og upplýsingar allan sólarhringinn allan ársins hring.