Þrettándabrennur verða á þremur stöðum í Reykjavík föstudaginn 6. janúar.
Þrettándahátíð í Vesturbænum
Þrettándahátíð í Vesturbænum hefst kl. 18.00 við Melaskóla. Þar leiða ungmenni úr grunnskólum Vesturbæjar fjöldasöng og síðan verður gengið með blys að brennunni á Ægissíðu. Borinn verður eldur að kestinum kl. 18.30 og flugeldasýning verður kl. 18.45 og er hún í samstarfi við KR-flugelda. Skoða auglýsingu.
Þrettándagleði í Grafarvogi
Í Grafarvogi verður árleg þrettándagleði Grafarvogsbúa haldin við Gufunesbæ. Kakósala verður í Hlöðunni frá kl. 17.00 og kl. 17.55 hefst blysför. Kveikt verður í brennu og skemmtun á sviði kl. 18.00 og gleðinni lýkur síðan með flugeldasýningu kl. 18.30. Skoða auglýsingu.
Þrettándaganga og gleði Grafarholts og Úlfarsárdals
Íbúar í Grafarholti og Úlfarsárdal sameinast þrettándagleðinni. Þar er dagskráin þessi:
18:45 Lúðrasveit spilar í Guðríðarkirkju
19:15 Gengið af stað frá Guðríðarkirkju
19:20 Göngur Grafarholts og Úlfarsársdals mætast á hringtorgi
19:30 Kveikt í brennu - lúðrasveit spilar í Leirdal
19:40 Jólasveinar mæta á svæðið og taka lagið
20:00 Flugeldasýning í boði FRAM