Nýtt líkan af Ártúnsholti verður sýnt á íbúafundi um hverfisskipulag í Ártúnsskóla á fimmtudag kl. 19.30 – 21. Líkanasmíðin er hluti af skapandi samráði um nýja framtíðarsýn fyrir hverfið.
Nemendur í 6. bekk Ártúnsskóla byggðu líkanið af Ártúnsholtinu og nutu við það leiðsagnar kennara og starfsfólks umhverfis- og skipulagssviðs Reykjavíkur. Verkefnið er hluti af vinnu við hverfisskipulag sem gert verður fyrir öll hverfi í Reykjavík. „Mikilvægur hluti af hverfisskipulaginu er að færa mótun skipulagsins nær íbúum og hagsmunaaðilum með virku samráði í hverfunum,“ segir Ævar Harðarson, arkitekt og verkefnisstjóri hverfisskipulags.
Breytingar, endurbætur, þjónusta og tækifæri
Á íbúafundinum á fimmtudag gefst íbúum kostur á móta hugmyndir um framtíðaráherslur hverfisins. Í dreifibréfi til íbúa eru settar fram dæmi um spurningar sem verða ræddar til að skerpa á framtíðarsýn hverfisins:
- Hvaða breytingar þarf að gera?
- Hvaða endurbætur þurfa að eiga sér stað?
- Hvaða þjónustu vantar?
- Hvar eru vannýtt tækifæri?