Nú er unnið er að endurskoðun upplýsingastefnu Reykjavíkurborgar en núverandi stefna er frá árinu 2000. Drög að nýrri stefnu eru í vinnslu hjá stýrihópi sem mun skila þeim til stjórnkerfis- og lýðræðisráðs fyrir 30. apríl nk. Stjórnkerfis- og lýðræðisráð mun svo leggja stefnuna fram til staðfestingar borgarráðs.
Í samræmi við auknar áherslur á samráð og íbúalýðræði hjá Reykjavíkurborg eru drög að stefnunni birt á vefnum og allir hvattir til að kynna sér þau og senda inn ábendingar og athugasemdir.
Opnuð hefur verið vefsíða þar sem finna má drögin að stefnunni eins og þau eru á hverjum tíma. Á síðunni er opið fyrir alla að senda inn hugmyndir og ábendingar sem teknar verða til skoðunar í vinnuhópnum.
Stjórnkerfis- og lýðræðisráð verður með opinn fund Menningarhúsi Grófinni, 1. hæð þann 30. mars nk. klukkan 17-19 og þar verður fjallað um drögin.
Stýrihópurinn tekur við ábendingunum og nýtir þær við vinnu sína.
Stýrihópinn skipa:
Halldór Auðar Svansson borgarfulltrúi, formaður;
Heiða Björg Hilmisdóttir varaborgarfulltrúi;
Kjartan Magnússon borgarfulltrúi.
Starfsmaður hópsins er Ásta Guðrún Beck erindreki gagnsæis og samráðs.