Viðukenningu í flokki einstakling hlaut Hákon Sigursteinsson, sálfræðingur. Hann hefur verið deildarstjóri sérfræðiþjónustu í Breiðholti frá stofnun þjónustumiðstöðvarinnar. Hann hefur verið leiðandi í mótun og framþróun sérfræðiþjónustu skóla í borginni og framsýni hans og frumkvöðlastarf hefur haft áhrif á stefnumótun í málaflokknum. Aðrar hafa tekið upp verklag Hákons, sem flýtir aðstoð við börnin. Hákon gefur forvarnarvinnu meira vægi í sérfræðiþjónustu skóla, t.d. í formi námskeiða fyrir foreldra og börn í hverfinu, með viðveru sálfræðinga í skólum, skimun á tilfinningarlegri líðan barna og verkefni í læsi.
Austurstrætisverkefnið var sett af stað vegna aðstæðna sem myndast höfðu í miðbænum. Hópur ungmenna var farinn að sýna mikla áhættuhegðun og höfðu þau öll fengið þjónustu hjá þjónustumiðstöðvum og Barnavernd, auk þess sem lögreglan og starfsmenn Hins hússins voru farin að hafa mikil afskipti af þeim. Til að bregðast við þessum aðstæðum var myndað teymi með starfsmönnum frá íþrótta- og tómstundasviði, skóla- og frístundasviði, velferðarsviði, Barnavernd og umhverfis- og skipulagssviði (Vinnuskólinn). Til að byrja með hittu starfsmenn ungmennin tvisvar í viku og unnu með þeim en yfir sumarið fóru þau í Vinnuskólann. Breytingar urðu á hugsunarhætti ungmennanna og foreldrar sáu breytingar á hegðun þeirra.
Guðrún Marínósdóttir hjá Barnavernd og Sigríður Arndís Jóhannsdóttir velferðarsviði voru hluti af teyminu sem hélt utan um verkefnið og komu að undirbúningi þess. Þær fengu með sér Andra Bjarnason sálfræðing á Þjónustumiðstöð Miðborgar og Hlíða og Reynir Harðarson sálfræðing hjá Barnavernd til að sjá um handleiðslu fyrir starfsmenn verkefnisins á meðan á starfinu stóð
Guðmundur Sigmarsson, verkefnastjóri, og Auður Sigurðardóttir, félagsráðgjafi viðurkenningu fyrir farsælt starf á sviði velferðarmála. Guðmundur hefur starfað af miklum metnaði í velferðarþjónustu um áratugaskeið . Hann heldur utan um tölfræði og lykiltölur sviðsins. Hann er vakandi fyrir þróun í velferðarþjónustu og bóngóður. Auður hefur gegnt starfi félagsráðgjafa hjá Reykjavíkurborg á þriðja áratug. Auður hefur helgað sig vinnu með fjölskyldum og verið fyrirmynd annarra félagsráðgjafa. Störf hennar hafa einkennst af jákvæðri sýn á fólk og samkennd.
Valnefnd hvatningarverðlaunanna 2015 var skipuð fulltrúum velferðarráðs, skrifstofu velferðarsviðs, Starfsmannafélags Reykjavíkurborgar og BHM. Í valnefnd voru: Ilmur Kristjánsdóttir, Áslaug Friðriksdóttir, Garðar Hilmarsson, Þórhildur Lilja Ólafsdóttir og Lóa Birna Birgisdóttir.