Opið morgunverðarmálþing um samgöngur í Reykjavík verður haldið í Tjarnarsal Ráðhúss Reykjavíkur á föstudagsmorgun, 31. mars.
Dagur B. Eggertsson borgarstjóri heldur opnunarerindið en á eftir ávarpi hans koma níu fróðlegar kynningar um allt er tengist samgöngum á höfuðborgarsvæðinu.
Þar mun m.a. verða fjallað um borgarlínuna, stöðu hennar og næstu skref, hvað er á döfinni, rafvæðingu samgangna, fjölorkustöðvar, álagstoppa í umferðinni og samgöngusamninga svo eitthvað sé nefnt. Boðið verður upp á léttan morgunverð fyrir fundinn sem hefst kl. 8.30 og lýkur kl. 12.
Öll velkomin.
Dagskrá
Opnunarerindi: Dagur B. Eggertsson borgarstjóri
Stuttar kynningar á ýmsum verkefnum og viðfangsefnum í borgarsamgöngum
• Borgarlína – staðan og næstu skref / Lilja G. Karlsdóttir
• Strætó – hvað er á döfinni? / Ragnheiður Einarsdóttir
• Rafvæðing samgangna – hvað er framundan hjá ON? / Bjarni Már Júlíusson
• Fjölorkustöðvar og önnur verkefni Íslenskrar NýOrku / Jón Björn Skúlason
• Umferðargreining á stofnvegakerfinu - hvar eru flöskuhálsar? / Berglind Hallgrímsdóttir
• Umferðarspár 2040 – framkvæmdir og ferðamátaval / Grétar Mar Hreggviðsson
• Samgöngusamningar fyrir starfsmenn Reykjavíkurborgar / Helga Björg Ragnarsdóttir
• Álagstoppar í umferðinni / Svanhildur Jónsdóttir
• Hjólreiðaáætlun Reykjavíkurborgar – verkefni næstu missera / Þorsteinn R. Hermannsson
Hjálmar Sveinsson, formaður umhverfis- og skipulagsráðs, dregur saman efni dagsins.
Fundarstjóri: Ólöf Örvarsdóttir sviðsstjóri umhverfis- og skipulagssviðs