Húnakló eytt við Vesturbæjarlaug
Á grasflötinni og í beðum umhverfis Vesturbæjarlaug er að finna plöntuna Húnakló. Í dag var eitrað í beðum og grasflötin slegin við laugina. Húnaklóin er varasöm fyrir fólk því safinn í stilkum og blöðum getur valdið brunasárum.
Úðað er með illgresiseyðinum Dicotex til að eyða klónni. Úðað var í morgun og svæðið merkt til að vara vegfarendur við. Fólk ætti að gæta þess að gæludýr fari ekki inn á svæðið umhverfis laugina fyrst eftir úðun.
Húnaklóin telst ágeng í íslenskri náttúru og dreifir sér mjög hratt. Reykjavíkurborg vill takmarka útbreiðslu Húnaklóa í borginni og verður unnið samkvæmt aðgerðaáætlun þess efnis í sumar.
Það er fyrirtækið Hreinir garðar sem sér um framkvæmdina.