Efnt til verðlauna fyrir meistaraverkefni í kennslu- og tómstundafræðum

miðvikudagur, 13. september 2017

Skóla- og frístundaráð ætlar að verðlauna meistaraverkefni á háskólastigi í leikskólakennara-, grunnskólakennara- og tómstundafræðum sem eru unnin á vettvangi skóla- og frístundastarfs í Reykjavík og hafa hagnýtt gildi fyrir framþróun í formlegu og óformlegu námi barna og unglinga. 

  • Verðlaunaafhending
    Borgarstjóri afhendir viðurkenningu fyrir framúrskarandi menningarstarf með börnum og unglinum.

Stefnt er að því að verðlauna allt að tólf verkefni og mun verðlaunafé nema 250.000 kr. fyrir sérhvert verkefni.

Þeir meistaranemar sem óska eftir að koma til álita þurfa að skila inn meistaraverkefnum fyrir 31. maí 2018, ásamt umsögnum prófdómara og rökstuðningi fyrir hagnýtingu verkefnis fyrir skóla- og frístundastarf í Reykjavík.

Eingöngu verða veittar viðurkenningar fyrir meistaraverkefni sem lokið var eða skilað inn á tímabilinu 1. júní 2017 til 31.maí 2018.

Þriggja manna dómnefnd skipuð sérfræðingum í starfi leikskóla, grunnskóla og frístundastarfs metur verkefnin til viðurkenningar.

Markmið þessara viðurkenninga er að auka hagnýtingu rannsókna í leikskóla-, grunnskóla- og frístundastarfi í Reykjavík, vekja athygli á skóla- og frístundastarfi í borginni og hvetja meistaranema til að gera Reykjavík að vettvangi rannsókna, náms og starfs.