Íslenskuverðlaun unga fólksins afhent í 10. sinn

miðvikudagur, 16. nóvember 2016

Hátt í sextíu grunnskólanemendur tóku við Íslenskuverðlaunum unga fólksins í bókmenntaborginni Reykjavík í dag. Verndari verðlaunanna, frú Vigdís Finnbogadóttir fyrrverandi forseti, afhenti verðlaunin við hátíðlega athöfn í Norðurljósasal  Hörpu. 

  • ""
    Íslenskuverðlaunin voru í formi verðlaunaskjals og bókargjafar og fengu allir bókina Orðbragð.
  • ""
    Frú Vigdís Finnbogadóttir er verndari Íslenskuverðlauna unga fólksins í bókmenntaborginni Reykjavík.
  • ""
    Það finnst mörgum grunnskólanema mikill heiður að taka við Íslenskuverðlaunum úr hendi frú Vigdísar.
  • ""
    Nemendur úr Ingunnarskóla og Hamraskóla sungu við athöfna, m.a. um ýmis samheiti yfir vont veður. Stjórnandi var Jóhanna Halldórsdóttir.
  • ""
    Allir handhafar íslenskuverðlauna saman komnir á sviðinu í Hörpu ásamt frú Vigdísi.
  • ""
  • ""
    Frú Vigdís ávarpar þéttskipaðan salinn í Norðurljósasal Hörpu og minnti á öll þau orð sem Jónas Hallgrímsson smíðaði á íslensku.

Meðal verðlaunahafa voru lestrarhestar, ljóðskáld, ræðusnillingar og nemendur sem sýnt hafa miklar framfarir í íslenskunámi, en allir grunnskólar í borginni tilnefna nemendur eða nemendahópa á hverju skólastigi.

Við athöfnina flutti frú Vigdís Finnbogadóttir ávarp og nemendur úr Ingunnarskóla og Hamraskóla sungu. 

Íslenskuverðlaunin voru að þessu sinni í formi verðlaunaskjals og bókagjafar. Þá verður verðlaunahöfum einnig boðið til móttöku í Gunnarshúsi, aðsetri Rithöfundasambands Íslands, til fundar við höfunda barna- og unglingabóka.

Íslenskuverðlaununum er ætlað að auka áhuga grunnskólanema í Reykjavík á íslenskri tungu og hvetja þá til framfara í tjáningu í töluðu og rituðu máli. Alls hafa um 600 reykvísk börn fengið þessi verðlaun frá upphafi. 

Yfirlit yfir handhafa íslenskuverðlaunanna 2016.