English translation
Hi! The English site is only a beta for now and still has many errors (especially in names and locations).
We are working hard to fix them and making more content available than ever before so expect constant updates.
Grænn apríl hófst í Fjölskyldu- og húsdýrgarðinum með því að Jón Gnarr borgarstjóri afhenti starfsfólki garðsins viðurkenningu fyrir fyrsta Græna skrefið, sjá nánar á www.reykjavik.is/graenskref. Viðurkenningin er fyrir fyrsta skrefið af fjórum en í því felst að efla vistvænan rekstur og m.a. flokka sorp. Alls er 95% af úrgangi garðsins flokkaður og því einungis 5% skilað sem óflokkuðu rusli. Tómas Óskar Guðjónsson forstöðumaður garðsins bendir á að þrátt fyrir aukinn kostnað vegna gámaleigu og sorplosunar hefðu útgjöld vegna sorphirðu í garðinum staðið í stað undanfarin ár. Hann sagði helsta ávinningin af Grænu skrefunum þó felast í umhverfisvernd sem verði ekki metin til fjár. Alls falla til um 200.000 kg á ári af úrgangi í garðinum eða um eitt kíló á hvern gest. Í Fjölskyldu- og húsdýragarðinum er flokkað daglega í 30 sorpflokka og hefur fjöldi flokka fjölgað jafnt og þétt undanfarin ár.