English translation
Hi! The English site is only a beta for now and still has many errors (especially in names and locations).
We are working hard to fix them and making more content available than ever before so expect constant updates.
Frestur til að skila inn tilnefningum vegna samgönguviðurkenningar Reykjavíkurborgar hefur verið framlengdur til mánudagsins 17. september.
Leitað er eftir tilnefningum um fyrirtæki, stofnanir og félagasamtök . Óskað er eftir rökstuðningi með hverri tilnefningu. Tilnefningar verða metnar í ljósi samgönguviðmiða í umhverfisstjórnunarkerfinu ,,Græn skref í starfsemi Reykjavíkurborgar“. Tillögur skulu berast Reykjavíkurborg í síðasta lagi mánudaginn17. september næstkomandi, merktar ,,Samgönguviðurkenning". Þær sendist á póstfangið graenskref@reykjavik.is eða á heimilisfangið Borgartún 12 - 14, 105 Reykjavík.
Samgönguviðurkenning Reykjavíkurborgar verður veitt í fyrsta sinn nú í haust í tengslum við evrópsku samgönguvikuna sem haldin er 16. - 22. september ár hvert. Fyrirtæki, félagasamtök og stofnanir sem stigið hafa mikilvæg skref í starfsemi sinni í átt til vistvænni samgöngumáta koma til álita og verða viðurkenningar veittar í þremur flokkum: lítil fyrirtæki, stór fyrirtæki og félagasamtök. Dómnefndin byggir val sitt á árangri og aðgerðum sem fyrirtæki hafa gripið til til að draga úr umferð á sínum vegum og einfalda starfsfólki að nýta sér aðra samgöngumáta en einkabílinn. Samgönguviðurkenningin verður veitt 20. september.
Ítarefni: Gátlisti vegna samgönguviðmiða.