Bókmenntaverðlaun Tómasar Guðmundssonar

Bókmenntaverðlaun Tómasar Guðmundssonar eru veitt ár hvert í minningu Tómasar Guðmundssonar fyrir óprentað handrit að ljóðabók. Dómnefnd verðlaunanna er skipuð af borgarráði og er hún skipuð þremur einstaklingum. Verðlaunahafi ársins 2017 var Jónas Reynir Gunnarsson fyrir ljóðahandritið Stór olíuskip.

  • Styttan af Tómasi Guðmundssyni við Tjörnina í Reykjavík
    Styttan af Tómasi Guðmundssyni við Tjörnina í Reykjavík

Hvernig tekur fólk þátt?

Auglýst verður eftir óprentuðu handriti að ljóðabók, frumsömdu á íslensku, fyrir árið 2018.

Útgáfuréttur verðlaunahandrits er í höndum höfundar eða þess forlags sem hann ákveður. Sé dómnefnd á einu máli um að ekkert þeirra verka sem borist hafa fullnægi þeim kröfum sem hún telur að gera verði til verðlaunaverka, má fella verðlaunaafhendingu niður það ár. Handritum sem keppa til verðlaunanna þarf að skila merktum dulnefni, en nafn og heimilisfang fylgi með í lokuðu umslagi.

Utanáskrift handrita:

Bókmenntaverðlaun Tómasar Guðmundssonar b.t. Signýjar Pálsdóttur, skrifstofustjóra menningarmála
Menningar- og ferðamálasviði Reykjavíkurborgar
Ráðhúsi Reykjavíkur
Tjarnargötu 11
101 Reykjavík.

Hægt að sækja handrit

Jónas Reynir Gunnarsson hlaut bókmenntaverðlaun Tómasar Guðmundssonar 2017. Aðrir sem áttu handrit í keppninni eru beðnir að vitja þeirra á skrifstofu Menningar- og ferðamálasviðs Reykjavíkurborgar fyrir 1. febrúar 2018.  Einnig er unnt að fá handrit send í póstkröfu. Gefa þarf upp dulnefni. Aðeins var opnað umslag með nafni vinningshafa.

Hver skipar dómnefnd?

Dómnefnd til verðlaunanna er skipuð af menningar- og ferðamálaráði Reykjavíkurborgar til eins árs í senn. Hana skipa þrír einstaklingar, tveir samkvæmt tilnefningu menningar- og ferðamálaráðs og einn samkvæmt tilnefningu Rithöfundasambands Íslands.

Dómnefnd 2017 skipuðu Úlfhildur Dagsdóttir formaður og Illugi Gunnarsson tilnefnd af menningar- og ferðamálaráði Reykjavíkurborgar og Þórarinn Eldjárn tilnefndur af Rithöfundasambandi Íslands.

Hver eru verðlaunin?

Verðlaunahafi hlýtur verðlaunafé. Verðlaunaféð er greitt af Reykjavíkurborg og eru ein verðlaun veitt árlega í vetrarbyrjun. Árið 2017 var upphæð verðlaunanna 700 þúsund krónur.

Verðlaunahafar frá upphafi:

2017: Jónas Reynir Gunnarsson - Stór olíuskip
2016: Eyrún Ósk Jónsdóttir - Góðfúslegt leyfi til sígarettukaupa
2015: Ragnar Helgi Ólafsson - Til hughreystingar þeim sem finna sig ekki í samtíma sínum
2014: Hjörtur Marteinsson - Alzheimer-tilbrigðin 
2013: Bjarki Karlsson – Árleysi alda
2012: Dagur Hjartarson – Þar sem vindarnir hvílast - og fleiri einlæg ljóð
2011: Sindri Freysson – Í klóm dalalæðunnar

2010: Þórdís Gísladóttir – Leyndarmál annarra
2009: Eyþór Árnason – Hundgá úr annarri sveit
2008: Magnús Sigurðsson – Fiðrildi, mynta og spörfuglar Lesbíu
2007: Ari Jóhannesson – Öskudagar
2006: Ingunn Snædal – Guðlausir menn - Hugleiðingar um jökulvatn og ást
2004: Auður Ólafsdóttir – Rigning í nóvember
2002: Sigurbjörg Þrastardóttir – Sólar Saga
2000: Hjörtur Björgvin Marteinsson – AM 00
1998: Bjarni Bjarnason – Borgin bak við orðin
1997: Elín Ebba Gunnarsdóttir – Sumar sögur
1994: Helgi Ingólfsson – Letrað í vindinn.

Þarfnast þessi síða lagfæringar?