Útgefið efni - Menningar- og ferðamálasvið | Reykjavíkurborg

Útgefið efni - Menningar- og ferðamálasvið

Reykjavík hefur á undanförnum árum orðið þekkt sem fóstra tónlistar og í borginni býr mikill mannauður sem skapar fjölbreytt og kraftmikið tónlistarlíf. Tónlist er mikilvægt samfélagslegt afl og sjálfstæð uppspretta menningarlegra og efnahagslegra gæða auk þess að vera farvegur fyrir mikil sóknarfæri í frjóu borgarumhverfi. Með því að móta heildstæða stefnu og skýra aðgerðaáætlun um Tónlistarborgina getur Reykjavíkurborg nært enn frekari uppbyggingu öflugs tónlistarlífsins með þeim samfélags- og efnahagslega ávinningi sem því fylgir. Verkefnastjóri tónlistarborgarinnar er María Rut Reynisdóttir.

Fimm manna ráðgjafanefnd er skipuð af borgarstjóra til ársins 2020. Í henni sitja:

Arna Schram, menningar- og ferðamálasviði (formaður)
Sigfríður Björnsdóttir, skóla- og frístundasviði
Unnsteinn Manuel Stefánsson, tilnefndur af borgarstjóra
Bryndís Jónatansdóttir, fulltrúi ÚTON
Sigtryggur Baldursson, fulltrúi ÚTON

Höfundar; Guðmundur Birgir Halldórsson og Harpa Rut Hilmarsdóttir verkefnastjórar

Leiðarljós: Reykjavík gegnir menningarlegu forystuhlutverki. Sjálfsmynd borgarinnar byggir á skapandi hugsun, frumkvæði og menningarlífi í samspili við alþjóðlegar stefnur og strauma. Menningarlífið einkennist af metnaði, fjölbreytni, samvinnu og virkri þátttöku íbúa og gesta. 

Reykjavíkurborg veitir ár hvert félagasamtökum, fyrirtækjum og einstaklingum styrki til starfsemi og þjónustu sem fellur að hlutverki sveitarfélagsins eða telst á annan hátt í samræmi við stefnumörkun, áherslur og forgangsröðun borgaryfirvalda. Að hausti ár hvert eru auglýstir til umsóknar styrkir úr borgarsjóði með fjögurra vikna umsóknarfresti. Fagráð fer yfir umsóknirnar og tekur ákvörðun um úthlutun fyrir árslok hvers árs.

Nánari upplýsingar á www.reykjavik.is/styrkir

Borgarstjórn samþykkti einróma Ferðamálastefnu Reykjavíkurborgar 2011 - 2020, þann 3. maí 2011. Enn fremur var samþykkt tillaga borgarstjóra að hafinn skuli undirbúningur að útfærslu og framkvæmd lykilaðgerða Ferðamálastefnunnar.

Menningarstefna Reykjavíkurborgar 2009 - 2012. Samþykkt í borgarstjórn 16. júní 2009.

Þarfnast þessi síða lagfæringar?

16 + 1 =