16035 Fjölnota íþróttahús KR í Vesturbæ, Forval - EES samkeppnisútboð

Reykjavíkurborg auglýsir eftir umsóknum um þáttökurétt í forvali fjölnotahúss KR. Fyrirhugað er að reisa fjölnota íþróttahús á svæði KR í Vesturbæ Reykjavíkur. Húsið verður á tveimur hæðum, alls um 6700 m² en þar af er íþróttasalurinn um 4400 m² á einni hæð. Í húsinu verður hægt að æfa knattspyrnu innandyra á gervigrasvelli og er miðað við að hægt sé að keppa mótsleiki í 8 manna bolta. Í hliðarbyggingu hússins er gert ráð fyrir skrifstofurýmum, lyftingarsal, fundarsölum og öðrum rýmum sem tengjast starfsemi hússins. Þá er gert ráð fyrir svölum inni í íþróttasal ásamt svölum utan á hliðarbyggingu sem snúa að aðalvelli íþróttafélagsins.

Samkeppnisútboðs sem forval þetta varðar, nær yfir arkitektahönnun, verkfræðihönnun, reisingu húss, frágangi þess að innan og utan sem og frágangi lóðar umhverfis það.

Helstu verkþættir eru:

• Arkitektahönnun húss

• Verkfræðihönnun húss

• Jarðvinna

• Uppsteypa og/eða stálburðarvirki

• Frágangur utanhúss

• Frágangur innanhúss, þ.m.t. gervigras og uppsetning á föstum búnaði

• Uppsetning og fullnaðarfrágangur allra lagna- og rafkerfa

• Frágangur lóðar við íþróttahús

Skila skal fullbúnu húsi að utan og innan. Almennt gildir að fastabúnaður er innifalinn en lausabúnaður ekki.

Forvalsgögn verða eingöngu aðgengileg á útboðsvef Reykjavíkurborgar á vefslóðinni: http://utbod.reykjavik.is – frá kl. 11:30: þann 5. nóvember 2024.  Smellið á íslenska fánann til að fá útboðsvefinn upp á íslensku. Nýskráning fyrirtækja hefst með því að smella á „Nýskráning“.

Vakin er athygli á að senda verður fyrirspurnir í gegnum útboðsvef Reykjavíkurborgar. Fyrirspurnum sem berast með öðrum hætti verður ekki svarað.

Umsóknum skal skila með rafrænum hætti á framangreindan útboðsvef Reykjavíkurborgar eigi síðar en: Kl. 10:00 þann 26. nóvember 2024.

Ekki verður haldinn formlegur opnunarfundur, sjá má upplýsingar frá opnun á vefslóðinni https://reykjavik.is/opnun-tilboda-2024