Námsbrú | Reykjavíkurborg

Námsbrú

Markmiðið með Námsbrú er að styrkja nemendur með hvatningu og eftirfylgni til aukinnar ábyrgðar á námi sínu, með það að leiðarljósi að þau geti nýtt sér nám í framhaldsskólum og standist þær kröfur sem slíkt nám gerir til þeirra.

Hvað er Námsbrú?

Námsbrú er samvinnuverkefni Námsflokka Reykjavíkur og Fjölbrautarskólans við Ármúla. Um er að ræða einnar annar námsúrræði á framhaldsskólastigi.

Fyrir hverja er Námsbrú?

Fyrir fólk sem áður hefur lokið námi í Námsflokkum Reykjavíkur úr eftirtöldum hópum: Karlasmiðju, Kvennasmiðju eða Námskrafti.

Hvenær eru tímar?

Tímar hefjast alltaf  kl. 8.30 og nemendur eru alltaf búnir á sama tíma eftir hádegi.
Samfleytt stundaskrá er frá morgni fram yfir hádegi.

Hvernig er námið samsett?

Námið samanstendur af:
íslensku (áfangi miðaður við stöðu nemanda),
stærðfræði (áfangi miðaður við stöðu nemanda).

Einnig hefur verið í boði fyrir nemendur að taka:
fjarnám í ensku frá Fjölbraut við Ármúla.

Atriði sem gott er að hafa í huga:

•Þeir sem eru duglegir og taka áfanga í öllum fögum geta því verið að klára allt að 9 einingum á önninni.
•Heimanámstímar með náms- og starfsráðgjöf eru einnig á stundaskrá og fá nemendur hvatningu til að stunda námið.
•Vel er fylgst með mætingum nemenda og hringt heim til þeirra sem mæta ekki á réttum tíma.
•Boðið er upp á einkaviðtöl við náms- og starfsráðgjafa.
•Nemendur eru aðstoðaðir við að sækja um framhaldsskóla áður en náminu lýkur og er umsóknum þeirra fylgt eftir.

Fyrirspurnir og ábendingar

Nánari upplýsingar veitir Iðunn Antonsdóttir, forstöðumaður Námsflokka Reykjavíkur í gegnum netfangið idunn.antonsdottir@rvkskolar.is Einnig eru veittar upplýsingar í síma 411 6540.
 

Þarfnast þessi síða lagfæringar?

9 + 1 =