Fasteignir fyrir eldri borgara | Reykjavíkurborg

Fasteignir fyrir eldri borgara

Reykjavíkurborg vinnur að auknum og bættum búsetuúrræðum fyrir eldri borgara. Borgin hefur haft umsjón og eftirlit með framkvæmdum í þágu aldraðra og fjallar um úthlutunarskilmála, fjárhagslegar forsendur og kemur að samningum um framkvæmdir.

 

Áætluð er þörf fyrir hjúkrunarheimili, þjónustuíbúðir, öryggisíbúðir, þjónustukjarna, söluíbúðir og önnur úrræði sem eru brýn fyrir aldraða í borginni.

Gerðar eru tillögur um uppbyggingu og framkvæmdir á næstu árum á grundvelli þarfagreiningar. Unnið sé út frá því markmiði að eldri borgarar geti búið sem lengst heima.

Fjallað er um val á samstarfsaðilum, úthlutunarskilmála vegna lóða, fjárhagslegar forsendur og samninga um framkvæmdir í þágu aldraðra. Unnið að dagvistar- , hvíldar- og hjúkrunarrýmum í samvinnu við heilbrigðisyfirvöld og í samráð við eldri borgara.

Sléttuvegur

Reykjavíkurborg hefur undirritað samning við Hrafnistu um byggingu þjónustuíbúða og þjónustukjarna við Sléttuveg. Hrafnista mun byggja 100 þjónustuíbúðir og þjónustukjarna.
 

Spöngin í Grafarvogi

Verið er að reisa félagsmiðstöð af borginni.  Innangengt verður úr þjónustuíbúðum Eirar í hana.

Gerðuberg

Samþykkt var breytt deiliskipulag á svæði austan Gerðubergs. Félag eldri borgara í Reykjavík fékk  lóð úthlutað undir 49 þjónustuíbúðir og hefur lokið byggingu þeirra. Reykjavíkurborg keypti 12 íbúðir til útleigu fyrir eldri borgara. 

Fyrirspurnir og/eða ábendingar

Ábendingar og fyrirspurnir um búsetuúrræði getur þú sent til upplysingar@reykjavik.is, og  usk@reykjavik.is.

 

Þarfnast þessi síða lagfæringar?

11 + 7 =