Færanlegt vettvangsteymi | Reykjavíkurborg

Færanlegt vettvangsteymi

Færanlegt vettvangsteymi sérfræðinga sem sér um að þjónusta utangarðsfólk í Reykjavík. Þeim er ætlað að aðstoða fólk sem á í erfiðleikum vegna vímuefnafíknar og/eða geðsjúkdóma og sem stöðu sinnar vegna lendir í aðstæðum sem það ræður ekki við. Teymið starfar m.a. með utangarðsfólki í gistiskýli, konukoti, smáhýsum og í íbúðum um hugmyndafræði Housing first eða húsnæðið fyrst.

Hlutverk teymisins

Teymið aðstoðar utangarðsfólk við að komast  í viðeigandi skjól eða kalla eftir annarri aðstoð eftir þörfum. Jafnframt sinnir teymið forvarnar- og leitarstarfi sem er til þess fallið að koma í veg fyrir að þessir einstaklingar lendi í erfiðleikum með sjálfa sig eða aðra, eða lendi í þeim aðstæðum að valda ónæði á almannafæri í Reykjavík. Einnig aðstoðar teymið fólk við að fóta sig í búsetu með því markmiði að auka lífsgæði fólks í neyslu. Öll aðstoð byggist á grundvelli mannréttinda og skal mannréttindastefna Reykjavíkurborgar höfð að leiðarljósi.

Velferðarsvið leggur til stöðugildi fagaðila í verkefnið sem saman mynda vettangsteymið.

Teymið heyrir undir þjónustumiðstöð Vesturbæjar, Miðborgar og Hlíða, sími 411 1600, netfang vmh@reykjavik.is

Þarfnast þessi síða lagfæringar?

3 + 9 =