Sundhöllin - Almennar upplýsingar | Reykjavíkurborg

Sundhöllin - Almennar upplýsingar

Sundhöllin var tekin í notkun árið 1937. Guðjón Samúelsson arkitekt teiknaði húsið. Sundhöllin er tæpir 2.700 fermetrar að stærð. Í henni er sundlaug, barnalaug, heitir pottar, eimbað og stökkbretti auk aðstöðu til líkamsræktar.

Arkitekt: Guðjón Samúelsson.
Byggingarár: 1929 - 1937.
Viðbygging: Skoða upplýsingasíðu um viðbyggingu við Sundhöll Reykjavíkur

Saga byggingarinnar:

Í æviminningum Knud Zimsen, bæjarverkfræðings 1902, kemur fram að hann gerði tillögu að byggingu yfirbyggðrar sundlaugar í Reykjavík, tillagan fékk ekki hljómgrunn í bæjarstjórn Reykjavíkur.

Árið 1927 kemur  Jónas frá Hriflu með þá hugmynd að ríkissjóður leggði fram 50 þúsund krónur í Sundhallarbyggingu gegn því að bæjarsjóður legði fram jafn háa upphæð. Tilllagan var ekki samþykkt.

Árið 1928 bar ríkisstjórnin fram frumvarp um byggingu Sundhallar í Reykjavík. Frumvarpið hljóðaði uppá að ríkið leggði fram 100 þúsund krónur og að borgin legði fram annað eins auk lóðarinnar.

Fyrsta tillaga Guðjóns Samúelssonar var bygging í burstabæjarstíl. Laugin átti að vera þrískipt, ein laugin átti að vera fyrir börn, önnur stærri fyrir íþróttamenn, sú þriðja átti að vera sjólaug. Hætt var við að byggja eftir fyrstu tillögu Guðjóns, en árið 1929 var byrjað á að reisa Sundhöllina í þeirri mynd sem hún er í dag. Í nokkur ár gekk hvorki né rak með bygginguna vegna fjárskorts. Sundhöllin var loksins tekin í notkun 23. mars 1937. 

Stærð byggingar: 2.661 m2 Rúmmál 9.590 m3
Stærð lóðar: 5.250 m2 Fjöldi bílastæða: 30

Aðallaug

Flatarmál laugar: 250 m2 Lengd: 25 m Breidd: 10 m
Mesta dýpi: 4,00 m Heildar vatnsmagn: 780 m3 Hitastig: 28°C

Barnalaug

Flatarmál laugar: 72 m2 Lengd: 7,2 m Breidd: 10 m
Mesta dýpi: 1,10 m   Hitastig: 30°C
 

Heitir pottar

Nuddpottur Hitastig 39°C 16,7 m2 - 17,6 m3
Heitur pottur Hitastig 42°C 10,4 m2 - 10,9 m3

Eimbað

Sameiginlegt eimbað fyrir konur og karla. Opnaði árið 2001. 6,9 fermetrar að stærð og 17,3 rúmmetrar.

Leiktæki

Tvö stökkbretti eru í lauginni. Það lægra er 1,0 m frá vatnsyfirborði, það hærra 2,75 m frá vatnsborði.

Forstöðumenn frá upphafi  

Ólafur Þorvarðarson 1937 - 1942,
Sigríður Sigurjónsdóttir 1942 - 1945,
Þorgeir Sveinbjarnarson 1945 - 1971,
Hermann Hermannsson 1971 - 1975,
Ingibjörg Sigurgeirsdóttir
og Lilja Kristjánsdóttir 1975 - 1983,
Kristján Ögmundsson 1983 - 1986,
Stefán Kjartansson 1986 - 1993,
Bjarni Kjartansson 1993 - 1998,
Björg Snjólfsdóttir 1998 - 1999,
Gísli Jensson 1999 - 2005,
Óttarr Hrafnkellsson 2005 - 2005,
Katrín Lovísa Irvin 2005 - 2010,
Gísli Jensson 2010 -2014.
Logi Sigurfinnsson 2014-.

Þarfnast þessi síða lagfæringar?

10 + 8 =