Reykjavik
Stuðningur við börn og fjölskyldur
Öll þurfum við aðstoð annað slagið. Hvort sem það er við helstu verkefni dagsins eða til að vera betur í stakk búin til að taka þátt í samfélaginu. Börn og fjölskyldur þeirra geta fengið fjölbreyttan stuðning til að mæta þörfum vegna félagslegra aðstæðna, álags, veikinda eða fötlunar.
Barnavernd
Barnavernd Reykjavíkur aðstoðar börn og foreldra í vanda við að tryggja velferð og öryggi barna til framtíðar með fjölbreyttri ráðgjöf, stuðningi og faglegum lausnum.
Stuðningsþjónusta fyrir börn og fjölskyldur
Stuðningsþjónusta fyrir börn og fjölskyldur felur í sér margþættar lausnir sem eru útfærðar eftir þörfum hvers og eins. Námskeið og fræðsla, einstaklingsstuðningur, hópastarf og uppeldisráðgjöf eru meðal þess sem er í boði.
Betri borg fyrir börn
Betri borg fyrir börn miðar að því að bæta þjónustu við börn, ungmenni og fjölskyldur þeirra í skóla- og frístundastarfi. Færa þjónustuna í auknum mæli í skólaumhverfi barna og ungmenna, veita viðeigandi stuðning sem fyrst og þétta samstarf skóla- og frístundasviðs og velferðarsviðs í þjónustumiðstöð hverfisins.
Hvar fæ ég frekari upplýsingar?
Stuðningur við börn og fjölskyldur er veittur á grundvelli eftirfarandi laga og reglna:
- Reglur Reykjavíkurborgar um stuðning við börn og fjölskyldur þeirra
- Lög um félagsþjónustu sveitarfélaga, nr. 40/1991
- Lög um þjónustu við fatlað fólk með langvarandi stuðningsþarfir, nr. 38/2018
- Barnaverndarlög nr. 80/2002
Frekari upplýsingar veitir starfsfólk þjónustumiðstöðva.
Einnig er hægt að hringja í þjónustuver Reykjavíkurborgar í s: 4 11 11 11.