Upplýsingamiðstöð ferðamanna | Reykjavíkurborg

Upplýsingamiðstöð ferðamanna er til húsa í Ráðhúsi Reykjavíkur. Þar færð þú allar nýjustu upplýsingar um allt það sem er í boði fyrir gesti Reykjavíkur. Vinalegt starfsfólk veitir upplýsingar um flest milli himins og jarðar og aðstoðar þig við bókanir. Í miðstöðinni finnur þú líka bæklinga um fjölbreytta afþreyingu og ferðamöguleika víðsvegar um landið.

Fyrir hagsýna bendum við einnig á Gestakortið, afsláttarkort sem ætlað er bæði erlendum og innlendum gestum, sem veitir aðgang að fjölbreyttri þjónustu og menningarviðburðum á hagstæðu verði. Kortið gildir í 24, 48 eða 72 tíma og með því færðu meðal annars frían aðgang að öllum sundlaugum í Reykjavík, mörgum söfnum og fjölskyldu- og húsdýragarðinum. Aukinheldur ferðast þú frítt með strætisvögnum Strætó innan höfuðborgarsvæðisins. Þú getur keypt Gestakortið í Upplýsingamiðstöðinni og á flestum hótelum í Reykjavík.

Starfsfólk okkar er sérfrótt um flest allt sem tengist ferðalögum um Ísland. Við liðsinnum þér með ánægju og hlökkum til að sjá þig. Sæktu okkur heim í hjarta borgarinnar eða sendu okkur línu.

Þjónustutími:

Alla daga kl. 8:00 - 20:00

Heimilisfang: 
Tjarnargata 11 - Ráðhús Reykjavíkur
101
Sími: 
411 6045
Fax: 
590 1501
Netfang: 
info@visitreykjavik.is

Þarfnast þessi síða lagfæringar?

1 + 0 =