Skóla- og frístundastarf í norðanverðum Grafarvogi

Haustið 2020 urðu breytingar á skólahaldi í norðanverðum Grafarvogi sem miðuðu að því að styrkja til framtíðar skóla- og frístundastarf í hverfinu og bregðast við stöðugri fækkun nemenda á liðnum árum. Tveir skólar, Borgaskóli og Engjaskóli verða fyrir nemendur í 1.-7. bekk og einn sameiginlegur nýsköpunarskóli, Víkurskóli, verður fyrir nemendur á unglingastigi í 8.- 10. bekk. Í hverjum skóla verða um 260-270 nemendur. Þessar breytingar fela í sér að skólahald í Korpu í Staðahverfi leggst af, a.m.k. tímabundið. Yngri nemendur þaðan fara í Engjaskóla og fá skólaakstur eða strætókort til frjálsra afnota. 

Innleiðing að breyttu fyrirkomulagi

Innleiðing að breyttu fyrirkomulagi skóla- og frístundastarfsins hófst um miðjan febrúar 2020 með skipulögðu starfi fjögurra innleiðingarhópa, einum fyrir hvern skóla undir forystu skólastjórnenda og þeim fjórða sem hefur yfirumsjón með öllu breytingaferlinu. 

Strengir samstilltir

Fyrsti innleiðingarfundurinn, þar sem strengirnir voru samstilltir, var haldinn í Borgum 19. febrúar þar sem m.a. var farið yfir framtíðarsýn, hvað felst í nýsköpun í skólastarfi og hvaða framkvæmdir eru áformaðar í samgöngumálum til að bæta skólaleiðir nemenda í skólunum þremur

Sjá frétt um fundinn