Aðgengi fatlaðs fólks að söfnum - opinn fundur
Opinn fundur aðgengis- og samráðsnefndar í málefnum fatlaðs fólks í Reykjavík verður haldinn 21. mars frá klukkan 14-16 á annarri hæð í Sjóminjasafni Reykjavíkur. Aðgengisviðurkenning Reykjavíkurborgar verður afhent á fundinum.
Gott aðgengi í víðum skilningi þess hugtaks er mikilvægt mannréttindamál og undirstaða þess að fólk með fjölbreyttar aðgengisþarfir geti tekið þátt í samfélaginu á jafnréttisgrundvelli. Á þessum opna fundi aðgengis- og samráðsnefndar verður fjallað um aðgengi að söfnum auk þess sem aðgengisviðurkenning Reykjavíkurborgar verður afhent.
Dagskrá:
14:00 – Setning fundar
Elísabet Guðrúnar Jónsdóttir, formaður aðgengis- og samráðsnefndar
14:05 – Aðgengisfulltrúi Reykjavíkur og Aðgengisstefna
Bragi Bergsson, aðgengisfulltrúi Reykjavíkurborgar
14:25 – Aðgengi að sýningarstöðum Borgarsögusafns Reykjavíkur og Listasafns Reykjavíkur
Helga Maureen Gylfadóttir, Hlín Gylfadóttir og Halla Margrét Jóhannesdóttir
15:05 – Hlé
15:15 –Inngilding- aðgengi fatlaðs listafólks að söfnum
Jóhanna Ásgeirsdóttir listrænn stjórnandi Listar án Landamæra, Þórir Gunnarsson listamaður og ráðgjafi, Elín S. M. Ólafsdóttir listakona og Margrét M. Norðdahl framkvæmdastýra Listvinnslunnar.
15:35 – Afhending aðgengisviðurkenningar Reykjavíkur
Viðurkenningin er veitt þeim einstaklingum, hópum, félagasamtökum, fyrirtækjum eða stofnunum sem á eftirtektarverðan hátt hafa staðið vörð um gott aðgengi með fjölbreyttum hætti.
Öll velkomin á meðan húsrúm leyfir.
Léttar veitingar í boði!
Fundarstjóri: Elísabet Guðrúnar Jónsdóttir