Breytingar á umferð vegna framkvæmda á horni Lækjargötu og Vonarstrætis | Reykjavíkurborg

Breytingar á umferð vegna framkvæmda á horni Lækjargötu og Vonarstrætis

Breytingar hafa verið gerðar á umferð á horni Lækjargötu og Vonarstrætis og ný umferðarljós hafa verið sett upp.

  • Breytingar á umferð
  • Ljósmynd úr Lækjargötu
  • Umferðarljósin í Vonarstræti eru innarlega

Nú er unnið að framkvæmdum við hótel á hornlóðinni þar sem Íslandsbanki var áður. Ný umferðarljós hafa verið sett upp á gatnamótum Lækjargötu og Vonarstrætis, vegna þessara framkvæmda. Gert er ráð fyrir að umferðin verði með þessum hætti næstu tvö árin.

Útfærsla umferðar tekur mið af því að tryggja greiða og örugga gönguleið meðfram vinnusvæðinu og gera akstursleiðir öruggar.

Milli Skólabrúar og Vonarstrætis fer umferð eftir Lækjargötu um eystri akbraut þar sem vestari akbraut verður notuð undir gönguleið og vinnuaðstöðu verktaka.  Af þessum sökum lokast um helmingur safnstæðis hópbifreiða við Mæðragarð.

Meðan á framkvæmdum stendur verður einungis strætisvögnum heimilt að aka vestur Vonarstræti og þá aðeins ef þeir koma eftir Lækjargötu úr norðri (hægri beygja inn í Vonarstræti). Allri annarri umferð að Vonarstræti er beint um Skólabrú.

Óhefðbundið fyrirkomulag er á umferðarljósum í Vonarstræti þar sem ljósin eru nokkuð innarlega í götunni. Þetta er vegna þess að framhjá framkvæmdasvæðinu er einungis ein akrein. Mikilvægt er að ökumenn virði það að stöðva við rautt ljós. Ef það er ekki gert skapast umferðarhnútur á gatnamótunum sem heftir leið umferðar frá Lækjargötu.

Tenglar

Kort sem sýnir breytingarnar

Myndir af gatnamótum (11.07.2018)

Þarfnast þessi síða lagfæringar?

1 + 11 =