Hlutverk notenda og umsýsluaðila í NPA

Hvaða hlutverk hefur notandi með NPA?

Notandi með NPA fer sjálfur með verkstjórn. Hann ber stjórnunarábyrgð á framkvæmd NPA. Það þýðir að hann setur upp vaktaplön og ákveður: 

• Hvernig stuðningur er skipulagður 
• Hvaða stuðningur er veittur 
• Hvenær stuðningur er veittur 
• Hvar stuðningur fer fram 
• Hver veitir stuðning 

Hvaða hlutverk hefur umsýsluaðili með NPA?

Umsýsluaðili undirritar samstarfssamning við Reykjavíkurborg og er vinnuveitandi NPA aðstoðarfólks. Helstu skyldur hans eru að: 

• Taka við greiðslum frá Reykjavíkurborg og ráðstafa þeim. 
• Aðstoða notendur við að finna og velja aðstoðarfólk. 
• Gera ráðningarsamninga við aðstoðarfólk í samstarfi við notendur. 
• Tryggja að aðstoðarfólk njóti vinnuverndar og fullnægjandi aðbúnaðar. 
• Greiða laun aðstoðarfólks og standa skil á opinberum gjöldum. 
• Veita aðstoðarfólki fræðslu um NPA og þá hugmyndafræði sem þar býr að baki. 
• Ganga frá starfslokum aðstoðarfólks fyrir hönd notenda. 
• Færa rekstrarbókhald fyrir hvern notanda og skila til Reykjavíkurborgar. 
• Annast samskipti og samstarf við Reykjavíkurborg. 
• Veita notendum aðra þjónustu eftir því sem við á. 

Greiðslur frá Reykjavíkurborg

Reykjavíkurborg greiðir umsýsluaðila mánaðarlega upphæð sem byggir á einstaklingssamningi og samkomulagi um vinnustundir. 

Upphæðin skiptist í: 

• Framlag vegna launa og launatengdra gjalda (85%) 
• Framlag vegna umsýslukostnaðar (10%)  
• Framlag vegna starfsmannakostnaðar (5%)