Hinsegin málefni | Reykjavíkurborg

Hinsegin málefni

Í mannréttindastefnu Reykjavíkurborgar má finna kafla um kynhneigð, kynvitund, kyntjáningu og kyneinkenni.
 
Verkefni mannréttindaskrifstofu sem snúa að kynhneigð og kynvitund má sjá í aðgerðaráætlun í mannréttindamálum 2018 - 2022
 
Teiknuð mynd eftir Hugleik Dagsson úr mannréttindabæklingnumTeiknuð mynd eftir Hugleik Dagsson úr mannréttindabæklingnumTeiknuð mynd eftir Hugleik Dagsson úr mannréttindabæklingnumTeiknuð mynd eftir Hugleik Dagsson úr mannréttindabæklingnumTeiknuð mynd eftir Hugleik Dagsson úr mannréttindabæklingnumTeiknuð mynd eftir Hugleik Dagsson úr mannréttindabæklingnumTeiknuð mynd eftir Hugleik Dagsson úr mannréttindabæklingnumTeiknuð mynd eftir Hugleik Dagsson úr mannréttindabæklingnumTeiknuð mynd eftir Hugleik Dagsson úr mannréttindabæklingnum
 
Í mannréttindastefnu Reykjavíkurborgar kemur fram að óheimilt er að mismuna fólki vegna kyns. Hvatt er til jafnrar þátttöku og áhrifa kvenna, karla og kynsegin fólks í borgarsamfélaginu. Í stefnunni kemur einnig fram að óheimilt er að mismuna fólki vegna kynhneigðar, kynvitundar, kyntjáningar eða kyneinkenna. Sérstaklega er tekið fram að ekki skuli ganga út frá því að allt fólk sé gagnkynhneigt og sís-kynja, meðal starfsfólks borgarinnar, þjónustuþega og í uppeldis- og tómstundastarfi, menntunar og menningarstarfi. 
 
Mannréttindaskrifstofa gaf út skýrslu um hinsegin fólk og heimilisofbeldi í ársbyrjun 2018 og hefur útbúið efni henni tengt. Efni skýrslunnar og tillögur starfshópsins sem kom að vinnu hennar hefur verið notað til að sporna gegn heimilisofbeldi sem hinsegin fólk verður fyrir, en m.a. hefur fræðsla um hinsegin fólk og heimilisofbeldi verið haldin fyrir þjónustumiðstöðvar Reykjavíkurborgar, Heilsugæsluna á höfuðborgarsvæðinu og Lögregluna á höfuðborgarsvæðinu. Skýrsluna og tengt efni má finna hér
 
Mannréttindaskrifstofa útbjó gátlista og tók saman efni um trans börn í skólum, bæði fyrir leik- og grunnskóla, enda er þekking á stöðu og þörfum trans barna víðast hvar af skornum skammti. Hægt er að óska eftir frekari upplýsingum og fræðslum í tengslum við gátlistana hjá sérfræðingi skrifstofunnar í hinsegin málum: svandisanna@reykjavik.is
 
Mannréttindaráð Reykjavíkurborgar hélt opinn fund um hinseginvænt skólakerfi í desember 2017, en hann sýndi fram á mikilvægi þess að bæði nemendur og starfsfólk skóla hljóti reglubundna hinseginfræðslu. Upplýsingar og upptaka af fundinum má finna hér. Rannsókn á hinsegin kynfræðslu í grunnskólum Reykjavíkurborgar var gerð árið 2015 og ber heitið Typpið mun finna þig: Gagnkynhneigð, grunnskólinn og hinsegin kynfræðsla. Hún leiddi í ljós að gagnkynhneigð viðmið voru ráðandi í kynfræðslu og þegar minnst var á hinsegin fólk var yfirleitt einungis fjallað um samkynhneigð. Rannsókn meðal hinsegin starfsfólks hjá Reykjavíkurborg árið 2014 sem ber nafnið „Við erum alltaf gay. Ekki bara þegar hinum hentar“ Reynsla og upplifun hinsegin starfsfólks hjá Reykjavíkurborg hefur leitt í ljós að þótt margir hafi góða reynslu af vinnustöðum borgarinnar einkennast vinnustaðirnir af gagnkynhneigðarhyggju. Enn fremur skorti fræðslu um málefni hinsegin fólks til að útrýma fordómum, en fordómar gagnvart hinsegin fólki fyrirfinnast á vinnustöðum borgarinnar.
 
Mannréttindaskrifstofa Reykjavíkurborgar veitir fræðslu og ráðgjöf um málefni hinsegin fólks. Hægt er að hafa samband við Svandísi Önnu Sigurðardóttur, sérfræðing í hinsegin- og jafnréttismálum í gegnum svandisanna@reykjavik.is
 
Reykjavíkurborg og Samtökin '78 gerðu árið 2018 samstarfssamning til þriggja ára. Samtökin '78 skuldbinda sig til þjónustu við hinsegin fólk í Reykjavík ásamt hinseginfræðslu í skólum og til fagstétta borgarinnar án endurgjalds, en hægt er að óska eftir fræðslu hjá fræðslufulltrúa Samtakanna '78 í gegnum fraedsla@samtokin78.is.
 
 
 
Reykjavík - Heteró eða hinsegin? Nánar um rannsókn Freyju Barkardóttur á reynslu og upplifun hinsegin starfsfólks hjá Reykjavíkurborg.
 
Hinsegin hugtökin. Skilgreiningar á hinsegin hugtökum eins og kynhneigð, kynvitund og intersex. 
 

 

 

Þarfnast þessi síða lagfæringar?

2 + 10 =