5.585 börn voru í leikskólum Reykjavíkurborgar í júní en hámarksfjölda barna sem er leyfilegur í skólunum er 5.697. Búið er að bjóða öllum börnum, fæddum 2016 og fyrr og áttu leikskólaumsókn 24. apríl, leikskólavist frá hausti 2018.
187 börn fædd frá 1. janúar til 31. maí 2017 eru enn á í bið eftir leikskólavist, en útlit er fyrir að laus rými eftir sumarleyfi verði um 260 og því verður fleiri börnum boðin leikskóladvöl í haust. Þó ber að hafa í huga að boð um leikskóladvöl er með þeim fyrirvara að ráðið hafi verið í lausar stöður í þeim leikskóla sem sótt var um.
Staðan nú er betri en á sama tíma í fyrra en þá var 141 barn á biðlista sem fædd voru á tímabilinu frá 1. janúar til 30. apríl 2016. Laus pláss frá hausti voru þá 83.
Þá hefur gengið vel að tryggja systkinum pláss á sama leikskóla og eru 98% systkina komin með pláss í sama leikskóla.