Sameiginlegur fundur borgarstjórnar og ofbeldisvarnarnefndar Reykjavíkurborgar verður haldinn þriðjudaginn 13. mars nk. klukkan 14.00 í borgarstjórnarsal Ráðhúss Reykjavíkur.
Á morgun þriðjudaginn 13. mars verður haldinn sameiginlegur fundur borgarstjórnar og ofbeldisvarnarnefndar. Þetta er í þriðja sinn sem slíkur fundur er haldinn og að þessu sinni er sjónum beint að vændi og mansali.
Ofbeldisvarnarnefnd er vettvangur samráðs borgarfulltrúa og sérfræðinga á sviði ofbeldisvarna og er virkur þátttakandi í allri stefnumörkun málaflokksins.
Nefndinni er ætlað að takast á við ofbeldi í sinni víðustu mynd – öllu ofbeldi alls staðar.
Mansal og vændi hér á landi er falið vandamál, samt sem áður benda upplýsingar lögreglu til þess að skipulagt vændi hafi aukist stórlega frá 2015.
Dagskrá:
1. Ávarp borgarstjóra og formanns ofbeldisvarnarnefndar Dagur B. Eggertsson og Heiða Björg Hilmisdóttir
2. Vændi, mansal og nektarstaðir Snorri Birgisson, lögreglufulltrúi hjá lögreglunni á höfuðborgarsvæðinu
3. Aðstoð í Bjarkarhlíð við fólk í vændi Ragna Guðbrandsdóttir, verkefnastjóri Bjarkarhlíðar
4. Skipulögð brotastarfsemi. Tengsl vændis og mansals Heiða Björk Vignisdóttir lögmaður
5. Umræður borgarfulltrúa og fundargesta