Uppbygging ódýrra íbúða í kortunum

Framkvæmdir Hverfisskipulag

""

Í dag undirrituðu þeir Dagur B. Eggertsson borgarstjóri og Árni Snorrason veðurstofustjóri samning um að færa svokallaðan veðurmælisreit, byggja upp veðurstöðvakerfi í borginni og greiða þar með fyrir uppbyggingu á Veðurstofureitnum.  

Normal
0

false
false
false

EN-US
X-NONE
X-NONE

/* Style Definitions */
table.MsoNormalTable
{mso-style-name:"Table Normal";
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-priority:99;
mso-style-parent:"";
mso-padding-alt:0cm 5.4pt 0cm 5.4pt;
mso-para-margin:0cm;
mso-para-margin-bottom:.0001pt;
mso-pagination:widow-orphan;
font-size:12.0pt;
font-family:"Calibri",sans-serif;
mso-ascii-font-family:Calibri;
mso-ascii-theme-font:minor-latin;
mso-hansi-font-family:Calibri;
mso-hansi-theme-font:minor-latin;
mso-bidi-font-family:"Times New Roman";
mso-bidi-theme-font:minor-bidi;}

Samningurinn byggir á viljayfirlýsingu borgarstjóra og fjármála- og efnahagsráðherra, sem var undirrituð 2. júní 2017, um að vinna sameiginlega að þróun og skipulagningu lóða í Reykjavík en lóðirnar eru ýmist í eigu borgarinnar eða ríkisins. 

Í framhaldinu hófst undirbúningsvinna að íbúðarbyggð á Veðurstofuhæðinni sem hentar námsmönnum, tekjulágum og ungu fólki til fyrstu kaupa.

Samningurinn felur einnig í sér uppbyggingu veðurstöðvakerfis í borginni og nærumhverfis hennar og er stefnt að flutningi verðurmælisreitsins á nýja lóð vestan megin við húsnæði Veðurstofunnar á Bústaðavegi 7, en svæðið er oft nefnt „Litla Öskjuhlíð“.

Nýr mælireitur

Reykjavíkurborg mun kosta uppbyggingu á nýjum mælireit í ,,Litlu Öskjuhlíð’’ og flutningi mælitækja og búnaðar sem staðsettur er á núverandi mælireit.  Tekið verður mið af kröfum sem Alþjóða Veðurstofnunin WMO gerir til veðurmælinga. Nýi mælireiturinn á Veðurstofuhæðinni mun verða af svipaðri stærð og gerð og núverandi mælireitur.

Reykjavíkurborg mun sjá um hönnun og verklegar framkvæmdir við uppbyggingu mælireitsins í samvinnu við Veðurstofuna og Veðurstofa Íslands mun sjá um tilfærslu og uppsetningu á búnaði á milli mælireita.

 Tilraunir með mælingar á mengun  

Reykjavíkurborg mun sjá um kostnað á fimm nýjum veðurstöðvum og nauðsynlegar lagfæringar á þeim fimm stöðvum sem þegar eru í rekstri.

Fram er komin tillaga um staðsetningar veðurstöðvanna á eftirfarandi stöðum á höfuðborgarsvæðinu:

  •         Í Fossvogsdal
  •         Í Elliðaárdal eða Víðidal
  •         Í Laugardal eða Geirsnefi
  •         Í Miðborginni í Hljómskálagarði
  •         Á Nesvelli á Seltjarnarnesi

Gert er ráð fyrir mælingum á öllum núverandi þáttum veðurs á nýjum Veðurstofureit og öllum grunnþáttum veðurs; s.s. vindhraða, vindátt, lofthita og loftraka á öðrum mælistöðvum. Auk þessara grunnþátta verður úrkoma mæld á flestum stöðvum, en einnig er fyrirhugað að á einhverjum stöðvum verði skyggni og skýjafar mælt ásamt því að gerðar verði tilraunir með mælingar á mengun.