Þrír leikskólar fá hvatningarverðlaun | Reykjavíkurborg

Þrír leikskólar fá hvatningarverðlaun

fimmtudagur, 8. febrúar 2018

Á fjölsóttri ráðstefnu leikskólastarfsfólks í dag fengu þrír leikskólar hvatningarverðlaun fyrir framúrskarandi fagstarf; Sunnuás, Sunnufold og Skerjagarður. 

  • Handhafar hvatningarverðlauna 2018
    Handhafar hvatningarverðlauna 2018
  • Leikskólastjórar í Sunnuási.
    Ólöf Helga Pálmadóttir og Inga Jóna Hilmisdóttir leikskólastjórar í Sunnuás taka við hvatningarverðlaunum skóla- og frístundaráðs fyrir skemmtilegt verkefni sem snýr að búningagerð barnanna í Sunnuási, en árlega búa þau til sína Öskudagsbúninga með mikilli sköpunargleði.
  • Sóldís Harðardóttir leikskólastjóri.
    Stjórnendur í Skerjagarði taka við hvatningarverðlaunum skóla- og frístundaráðs fyrir framúrskarandi leikskólastarf. Sóldís Harðardóttir leikskólastjóri og Guðfinna Kristjánsdóttir aðstoðarskólastjóri.
  • Glaðar stöllur úr Sunnufold með hvatningarverðlaun skóla- og frístundaráðs, Fanný Heimisdóttir leikskólastjóri og Lilja Björk Ól
    Glaðar stöllur úr Sunnufold með hvatningarverðlaun skóla- og frístundaráðs, Fanný Heimisdóttir leikskólastjóri og Lilja Björk Ólafsdóttir deildarstjóri.
  • Kristín Karlsdóttir lektor HÍ
    Kristín Karlsdóttir lektor við Menntavísindasvið HÍ hélt erindi um áhrif barna og lýðræðislega starfshætti í leikskólum.
  • Fanný Heimisdóttir leikskólastjóri.
    Fanný Heimsdóttir leikskólastjóri í Sunnufold hélt skemmtilegt erindi um hlutdeild barna í ákvörðunum í leikskólanum - undir fyrirsögninni Ásetningur er til alls fyrst.
  • Hárprúðir ráðstefnugestir
    Litríkir og hárprúðir ráðstefnugestir
  • Leikskólastjórar spjalla í kaffihléinu.
    Leikskólastjórar spjalla í kaffihléinu.
  • Vanda Sigurgeirsdóttir lektor HÍ.
    Vanda Sigurgeirsdóttir lektor við Menntavísindasvið HÍ hélt erindi um jafningasambönd, vináttufærni og leiðir til að vinna með félagsfærni ungra barna. — ásamt
  • Dagur B. Eggertsson borgarstjóri setti ráðstefnuna með nær 600 leikskólastarfsmönnum.
    Dagur B. Eggertsson borgarstjóri setti ráðstefnuna með nær 600 leikskólastarfsmönnum.
  • Saga Stephensen verkefnastjóri fjölmenningar og Lena sólborg Valgarðsdóttir aðstoðarleikskólastjóri í Miðborg flutti erindi um s
    Saga Stephensen verkefnastjóri fjölmenningar og Lena sólborg Valgarðsdóttir aðstoðarleikskólastjóri í Miðborg flutti erindi um sjálfseflingu, virkni og lýðræði í fjölmenningarlegum leikskóla.

Hátt í sex hundruð leikskólastarfsmenn sátu í dag ráðstefnu um lýðræði, sjálfseflingu og þátttöku barna í leikskólastarfinu. Yfirskrift hennar var “Við fáum að ráða nema þegar kennararnir ráða”, en þau ummæli eru frá leikskólabarni sem tók þátt í mótun menntastefnu fyrir Reykjavík fram til ársins 2030.

Á ráðstefnunni voru afhent hvatningarverðlaun skóla- og frístundaráðs fyrir framúrskarandi leikskólastarf og komu þau í hlut þriggja leikskóla; Sunnuáss, Sunnufoldar og Skerjagarðs.

Leikskólinn Sunnuás hlaut verðlaunin fyrir verkefnið Öskudagsbúningagerð sem er árvisst verkefni í skólanum. Í umsögn dómnefndar sagði m.a.: Í þessu verkefni fær sköpunarkraftur barnanna að njóta sín, einstaklingsmiðað, hvert barn fær að ákveða út frá sér hvað þau vilja gera og fá svigrúm og tíma til þess.

Leikskólinn Skerjagarður hlaut hvatningarverðlaunin fyrir fagstarfið sem einkennist af metnaði í leik og starfi. Í umsögn dómnefndar sagði m.a.: Ekki fyrr er séð svona góða útkomu í mati. Er það til mikillar fyrirmyndar. Áhugi  starfsamanna á starfinu kemur vel fram og þekking þeirra er vel nýtt. Skólinn er lærdómsamfélag þar sem bæði börn og starfsfólk læra í leikskólanum.

Leikskólinn Sunnufold hlaut hvatningarverðlaun metnaðarfullt og faglegt leikskólastarf. Í umsögn dómnefndar sagði.:Jákvætt er að tilnefning komi frá foreldri og bent á mikilvægi þess að standa vörð um faglegt starf. Jákvætt að senda þessi skilaboð, að hrósa þeim sem eru að gera vel í starfsmannamálum. Börnin eru í fyrsta sæti og til að þau fái það sem þeim ber í leikskólastarfi þarf að standa vörð um faglega starfið og starfsfólkið þrátt fyrir erfiðar aðstæður, til þess þarf hugrekki, það hefur Fanný leikskólastjóri. 

Það var Skúli Helgason formaður skóla- og frístundaráðs og Eva Einarsdóttir varaformaður sem afhentu hvatningarverðlaunin, verðlaunagrip hannaðan af listakonunni Ingu Elínu og viðurkenningarskjal. Dómnefnd var skipuð þeim tveimur auk Kristínu Ólafsdóttur, fulltrúi foreldra leikskólabarna, Helgu Ingimarsdóttur, fulltrúafélags leikskólakennara, Sigurði Sigurjónssyni, fulltrúa Félags stjórnenda leikskóla, og Sigríði Marteinsdóttur, verkefnisstjóra hjá SFS.   

Markmið hvatningarverðlaunanna er að vekja athygli á því gróskumikla fagstarfi sem fram fer í leikskólum borgarinnar, veita starfsfólki hvatningu, og stuðla að nýbreytni- og þróunarstarfi. 

Leikskólaráðstefnuna í dag sátu hátt í sex hundruð leikskólastarfsmenn og hlýddu þeir á fróðleg erindi hjá þeim Kristínu Karlsdóttur, lektor við Menntavísindasvið HÍ, Fanný Heimisdóttur, leikskólastjóri í Sunnufold, Vöndu Sigurgeirsdóttur, lektors við HÍ og Lenu Sólborgar Valgarðsdóttur og Sögu Stephensen úr leikskólanum Miðborg. Sjá útdrátt úr erindum í ráðstefnugögnum.