Háskólinn í Reykjavík heldur málþing í samstarfi við Reykjavíkurborg um framtíð Vatnsmýrarinnar. Tækifærin sem búa í háskólasamfélaginu á sviði menntunar, rannsókna og nýsköpunar verða rædd í samhengi við uppbyggingu í Vatnsmýri.
Málþing um virkjun hugvits og mannlífs verður haldið miðvikudaginn 27. nóvember 2013 kl. 13:00 -17:00 á Icelandair Hótel Reykjavík Natura. Auk erinda og umræðna verður á staðnum kynning á helstu verkefnum sem eru á döfinni í Vatnsmýri; uppbyggingu Háskólagarða HR, Vísindagarða HÍ, Hlíðarenda, Skerjafjarðar, Landspítala og samgöngumiðstöðvar.
Dagskrá:
13.00 Framtíðarsýn með háskólagörðum Háskólans í Reykjavík
Ari K. Jónsson, rektor HR
13:20 Tækifærin í Vatnsmýrinni á svæði Háskóla Íslands
Kristín Ingólfsdóttir, rektor HÍ
13:40 Tækifærin með byggingu nýs Landspítala
Páll Matthíasson, forstjóri Landspítala háskólasjúkrahúss
14:00 Framtíðarsýn aðalskipulags fyrir Vatnsmýrina og atvinnustefna Reykjavíkurborgar
Dagur B. Eggersson, formaður borgarráðs
14.20 Verðlaunatillaga í hugmyndasamkeppni um skipulag Öskjuhlíðar
Þráinn Hauksson, landslagsarkitekt
14.30 Umferðamiðstöð og almenningssamgöngur á Vatnsmýrarsvæðinu
Hrólfur Jónsson, skrifstofustjóri hjá Reykjavíkurborg
14:40 Kaffihlé
15:10 Creating Knowledge Locations in Cities
Willem Van Winden, prófessor við Amsterdam University
15.40 Að halda þræði – frá stefnu til staðar
Ásdís Hlökk Theodórsdóttir, forstjóri Skipulagsstofnunar
16.00 Uppspretta tækifæra í þekkingariðnaði
Svana Helen Björnsdóttir, formaður Samtaka iðnaðarins
16.20 Pallborðsumræður um tækifærin í Vatnsmýrinni
17.00 Málþingi um tækifærin í Vatnsmýrinni slitið
Fundarstjóri og stjórnandi pallborðs: Gísli Marteinn Baldursson
Aðgangseyrir: kr. 2.600 (kaffiveitingar innifaldar)
Skráning á: skraning@hr.is