Í dag er verið að setja upp sýningu í Ráðhúsinu um nýjar íbúðir í Reykjavík. Sýningin verður opnuð í fyrramálið í tengslum við kynningarfund borgarstjóra um sama efni og verður sá fundur endurtekinn nú á fimmtudag. Sýningin hangir uppi til 19. nóvember.
Í Reykjavík er áætlað að byggðar verði um 5.000 nýjar íbúðir á næstu fjórum árum. Framkvæmdir eru ýmist hafnar eða á teikniborðinu. Á sýningu og fundunum verður sagt frá byggingaráætlunum fyrirtækja og skipulagsáformum Reykjavíkurborgar. Hvar verða íbúðirnar, hvenær verða þær tilbúnar og hver er að byggja þær?
Kynningarfundir borgarstjóra um uppbyggingu íbúðarhúsnæðis í Reykjavík eru í Ráðhúsi Reykjavíkur:
- miðvikudaginn 12. nóvember kl. 8:30-10:00 og
- fimmtudaginn 13. nóvember kl. 17:00-18:30.
Allir eru velkomnir á fundina og sýninguna. Það er skrifstofa eigna og atvinnuþróunar Reykjavíkurborgar sem hefur veg og vanda að undirbúningi funda og sýningar.
Nánari upplýsingar eru á vefslóðinni reykjavik.is/ibudir