Skipti ég máli? Kemur mér þetta við? Kosningaþátttaka innflytjenda
Opinn fundur fjölmenningarráðs Reykjavíkurborgar og borgarstjórnar verður haldinn þriðjudaginn 30. janúar 2018 kl. 14.00-16.00 í Ráðhúsi Reykjavíkur, borgarstjórnarsal.
Fjallað verður um kosningaþátttöku innflytjenda á Íslandi frá ýmsum hliðum en hún hefur verið töluvert lægri en kosningaþátttaka almennt. Skoðaðar verða mögulegar ástæður fyrir þessu og leiðir til úrbóta.
Í september á síðasta ári var settur á laggirnar starfshópur hjá Reykjavíkurborg sem átti að skoða leiðir um hvernig mætti auka kosningaþátttöku, bæði almennt, en sérstaklega meðal hópa þar sem kosningaþátttaka er lægri þar á meðal innflytjendur. Niðurstöður starfshópsins verða kynntar á fundinum.
Fundurinn fer fram á íslensku.
Dagskrá fundarins:
14.00 Ávarp borgarstjóra
Dagur B. Eggertsson
14.10 Borgarstjórnarkosningar í Reykjavík 2014: Innsýn í reynslu fólks af erlendum uppruna af þeim
Guðrún Magnúsdóttir, MA í hnattrænum tengslum
14.30 Niðurstöður vinnu starfshóps um leiðir til að auka kosningaþátttöku í borgarstjórnarkosningum 2018
Joanna Marcinkowska, Tómas Ingi Adolfsson, Unnur Margrét, Arnardóttir og Hildur Lilliendahl Viggósdóttir
14.50 Innflytjendur: Pólitík, löggjöf og áhrif
Pawel Bartoszek, fyrrverandi alþingismaður og varaþingmaður
15.10 Umræður borgarfulltrúa og spurningar fundargesta
16.00 Fundarlok og samantekt
Tomasz Chrapek, formaður fjölmenningarráðs Reykjavíkurborgar.
Fundurinn er öllum opinn.