Skákmaraþon Hróksins til styrktar börnum í Jemen | Reykjavíkurborg

Skákmaraþon Hróksins til styrktar börnum í Jemen

föstudagur, 11. maí 2018

Skákmaraþonið, er haldið til minningar um Jóhönnu Kristjónsdóttur, rithöfund, blaðakonu og stofnanda Fatimusjóðsins. Safnað verður áheitum og framlögum fyrir Fatimusjóðinn og UNICEF.

  • Dagur B. Eggertsson og Róbert Lagerman hjá Hróknum tóku fyrstu skákina við setningu skákmaraþonsins í morgun
    Dagur B. Eggertsson og Róbert Lagerman hjá Hróknum tóku fyrstu skákina við setningu skákmaraþonsins í morgun
  • Nemendur í Rimaskóla taka þátt í skákmaraþoni Hróksins
    Nemendur í Rimaskóla taka þátt í skákmaraþoni Hróksins
  • Skákmaraþonið haldið í minningu Jóhönnu Kristjónsdóttur, blaðamanns og stofnanda Fatimusjóðsins, sem lést þann 11. maí 2017.
    Skákmaraþonið er haldið í minningu Jóhönnu Kristjónsdóttur, rithöfundar, blaðamanns og stofnanda Fatimusjóðsins, sem lést þann 11. maí 2017.
  • Hjálpargögn sem UNICEF sendir til svæða þar sem börn þjást af næringarskorti.
    Hjálpargögn sem UNICEF sendir til svæða þar sem börn þjást af næringarskorti.
  • Skóli í tösku, verkefni á vegum UNICEF. Þar eru skólagögn send til svæða þar sem fátækt stendur í vegi fyrir skólagöngu barna.
    Skóli í töksu, verkefni á vegum UNICEF. Slíkar töskur eru sendar til svæða þar sem stríðsátök, fátækt eða hamfarir aftra því að börn geti gengið í skóla.
  • Dagur B. Eggertsson, borgarstjóri Bergsteinn Jónsson, framkvæmdastjóri UNICEF og Steinunn Jakobsdóttir, kynningarstjóri UNICEF
    Dagur B. Eggertsson, borgarstjóri Bergsteinn Jónsson, framkvæmdastjóri UNICEF og Steinunn Jakobsdóttir, kynningarstjóri UNICEF

Dagru B. Eggertsson, borgarstjóri setti skákmaraþon Hróksins formlega í morgun. Jóhanna Kristjónsdóttir, móðir Hrafns Jökulssonar, forseta Hróksins stofnaði Fatimusjóðinn, en hún lést 11. maí á síðasta ári og er maraþonið helgað minningu hennar. Safnað verður áheitum og framlögum fyrir Fatimusjóðinn og UNICEF og verður söfnunarfénu varið í þágu barna í Jemen. Samkvæmt upplýsingum UNICEF er staða barna í Jemen skelfileg. Margra ára átök hafa lagt landið í rúst. Í Jemen hefur hefur ríkt stríð um árabil og milljónir barna stríða við hungur, sjúkdóma og ólýsanlegar þjáningar. Á tíu mínútna fresti deyr barn í Jemen af orsökum sem hægt væri að fyrirbyggja. Meira en 11 milljónir barna í Jemen þurfa á lífsnauðsynlegri hjálp að halda. 

Leiðarljós söfnunarinnar eru kjörorð Jóhönnu Kristjónsdóttur heitinnar : Til lífs og til gleði!

Skákmaraþonið fer fram dagana 11. og 12. maí frá kl. 09:00 til miðnættis báða dagana í Pakkhúsinu, Geirsgötu 11, 101 Reykjavík.

Þau sem vilja leggja söfnuninni lið geta lagt inn á reikning Fatimusjóðsins:

Reikningsnúmer: 0512-04-250461

Kennitala: 680808-0580

Svo má senda SMS-ið JEMEN í 1900 og gefa 1900 krónur gegnum okkar góðu vini hjá UNICEF.