Rekur þú fjölbreyttan vinnustað eða gengur með skapandi verkefni í maganum? Reykjavíkurborg leitar að nýjum samstarfsaðilum sem bjóða upp á atvinnutækifæri fyrir fatlað fólk.
Óskað er eftir samstarfsaðilum sem eru tilbúnir til þess að skapa fólki með skerta starfsgetu tækifæri til að taka virkan þátt í atvinnulífinu.
Sérstaklega er horft til skapandi greina á sviði hönnunar, listsköpunar og snjalllausna. Öll verkefni skoðuð.
Stuðningur Reykjavíkurborgar getur verið í formi sérþekkingar, starfsmanns og/eða mögulega húsnæðis til allt að þriggja ára.
Ef þú eða þinn vinnustaður hefur áhuga á samstarfi, hafðu þá samband við: Arne Friðrik Karlsson eða Tómas Ingi Adolfsson
Sendu upplýsingar um tengilið, lýsingu á vinnustað/verkefni og hvers konar stuðningi er óskað eftir frá borginni fyrir 25. nóvember næstkomandi.