Reykjavíkurborg styður Skáksamband Íslands

þriðjudagur, 13. mars 2018

Dagur B. Eggertsson, borgarstjóri og Gunnar Björnsson, forseti Skáksambands Íslands skrifuðu í dag undir samstarfssamning.

  • Dagur B. Eggertsson, borgarstjóri og Gunnar Björnsson, forseti Skáksambands Íslands skrifa undir samstarfssamning.
    Dagur B. Eggertsson, borgarstjóri og Gunnar Björnsson, forseti Skáksambands Íslands skrifa undir samstarfssamning.
  • Lokaumferð GAMMA Reykjavíkurskákmótsins hófst í dag
    Lokaumferð GAMMA Reykjavíkurskákmótsins hófst í dag
  • Dagur B. Eggertsson, borgarstjóri, setur umferðina og leikur fyrsta leik hennar
    Dagur B. Eggertsson, borgarstjóri, setur umferðina og leikur fyrsta leik hennar

Í samningnum er kveðið á um að Reykjavíkurborg muni styðja við kostnað af mótshaldi við Reykjavíkurskákmót með því að veita árlegan styrk að fjárhæð kr.3.900.000.-  á tímabilinu 2018 til 2020. Samtals nemur fjárhæðin kr. 11.700.000.-  á samningstímanum. 

Fyrsta Reykjavíkurskákmótið var haldið þann 14. janúar til 1. febrúar árið 1964 í Lídó og tóku 16 keppendur þátt í mótinu. Reykjavíkurborg hefur allar götur síðan styrkt Reykjavíkurskákmótið sem í dag er orðið eitt stærsta og virtasta alþjóðlega mót hvers árs í skákheiminum. Á þessu ári tóku 248 keppendur frá  34  löndum þátt í mótinu.